މުޑުދާރު ތަނެއްގައި ދިވެހި ކާނާ ތައްޔާރުކުރަމުންދިޔަ ބިދޭސީއަކު އަތުލައިގަނެފި
މީގެ ކުރިންވެސް އިމިގްރޭޝަނުންވަނީ ސާފުތާހިރުކަމުގެ އާންމު މިންގަނޑުތަކަށް ނުފެތޭ ފަދަ ތަނެއްގައި ދިވެހި ކާނާގެ ބާވަތްތައް ތައްޔާރުކުރަމުންދަނިކޮށް ބިދޭސީންގެ ބަޔަކު އަތުލައިގަނެފަ އެވެ.
މުޑުދާރު ތަނެއްގައި ދިވެހި ކާނާގެ އެކި ބާވަތްތައް ތައްޔާރުކުރަމުން އައި ބިދޭސީއަކު ހޯދައި އިމިގްރޭޝަންގެ ބެލުމުގެ ދަށަށް އެމީހާ ގެންގޮސްފި އެވެ.
އިމިގްރޭޝަނުން ބުނި ގޮތުގައި އިއްޔެ މި މީހާ އަތުލައިގަތީ އެ އިދާރާއަށް ލިބުނު މައުލޫމާތާ ގުޅިގެން އެ އިދާރާގެ ޓާސްކްފޯހުން ހިންގި ހާއްސަ އޮޕަރޭޝަނެއްގަ އެވެ.
އެ އިދާރާއިންވަނީ އަތުލައިގަތް މީހާ ދިވެހިންގެ މެދުގައި މަގުބޫލު ފޮނި ފޯއް ތައްޔާރުކުރަމުންދިޔަ ތަނުގެ ބައެއް ފޮޓޯތައް މީސްމީޑިޔާގައި އާންމުކޮށްފަ އެވެ. އެ ފޮޓޯތަކުން ފެންނަ ތަނަކީ އެއްވެސް މިންވަރަކަށް އާންމު ސާފުތާހިރުކަމުގެ މިންގަނޑުތަކަށް ނުފެތޭ ތަނެކެވެ.
އިމިގްރޭޝަނުން ބުނި ގޮތުގައި އާންމު މިންގަނޑުތަކާ ހިލާފަށް ދިވެހި އުފެއްދުންތައް ވިޔަފާރި ބޭނުމަށް އުފެއްދުމަށް ބޭނުންކުރަމުން އައި އެތަނުން ފިހާރތަަކުގައި އާންމުކޮށް ލިބެން ހުންނަ ގިނަ ބާވަތްތަކެެްގެ ކާބޯތަކެތި ހޯދިފައިވެ އެވެ.
އާންމު މިންގަނޑުތަކަށް ނުފެތޭ މުޑުދާރު ތަނެއްގައި ކާބޯތަކެތި ތައްޔާރުކޮށް ވިއްކަމުން އައި ބިދޭސީ މީހާ އިމިގްރޭޝަނުގެ ބެލުމުގެ ދަށަށް ގެންގޮސްފައިވެ އެވެ.
ފާއިތުވި އޯގަސްޓުގައިވެސް އިމިގްރޭޝަނުންވަނީ އާންމު މިންގަނޑުތަކަށް ނުފެތޭ ނުތާހިރު ތަނެއްގައި ދިވެހި ކާނާ ތައްޔާރުކުރަމުންދިޔަ ތަނެއް ހޯދައި ބަލައިފާސްކޮށްފަ އެވެ.
އެފަހަރު ހޯދި ތަނުން ފިހާރަތަކުގައި އެންމެ ގިނައިން ވިއްކައި އުޅޭ ބްރޭންޑުގެ ތެލުލި ފަތާއި، އަތުޖެހިއާއި، ކާޖާ އަދި ކުދިގުޅަ ފަދަ ތަކެތި ފެނުނެވެ.
ކޮމެންޓް
Republic of Maldives