ބޭއަދަބީ މަންޒަރެއް ދެއްކިގެން ޕީއެސްއެމް އިން މައާފަށް އެދިއްޖެ
މި މައްސަލައިގައި ކަންހިނގައިދިޔަ ގޮތް ބެލުމަށްފަހު، އިހުމާލުވި ދެ މުވައްޒަފުން ސަސްޕެންޑްކޮށް، އެ މުވައްޒަފުންގެ މައްސަލަ ކަމާބެހޭ ކޮމެޓީއަށް ފޮނުވާފައިވާ ކަމަށް ވެސް އެ ބަޔާނުގައިވެ އެވެ.
ޕީއެސްއެމް ނިއުސް އިން ގެނެސްދިން އިނގިރޭސި ހަބަރުގެ ތެރެއިން ބޭއަދަބީ މަންޒަރެއް ދެއްކިފައިވާތީ އެ ކުންފުނިން މައާފަށް އެދި، އިހުމާލުވި މުވައްޒަފުން ސަސްޕެންޑް ކޮށްފި އެވެ.
ޕީއެސްއެމް އިން ރޭ ނެރުނު ނޫސްބަޔާނެއްގައި ބުނެފައި ވަނީ މިދިޔަ އަންގާރަ ދުވަހުގެ ރޭ ދެއްކުނު މަންޒަރަކީ އެ ކުންފުނީގެ ކޮންޓެންޓް ޕޮލިސީއާއި އެޑިޓޯރިއަލް ޕޮލިސީއާ ހިލާފު ސީރިއަސް މައްސަލައެއް ކަމަށެވެ.
މި މައްސަލައިގައި ކަންހިނގައިދިޔަ ގޮތް ބެލުމަށްފަހު، އިހުމާލުވި ދެ މުވައްޒަފުން ސަސްޕެންޑްކޮށް، އެ މުވައްޒަފުންގެ މައްސަލަ ކަމާބެހޭ ކޮމެޓީއަށް ފޮނުވާފައިވާ ކަމަށް ވެސް އެ ބަޔާނުގައިވެ އެވެ. މުވައްޒަފުންގެ މައްސަލަ ބަލައި، އަޅަން ޖެހޭ ފިޔަވަޅު އަޅާނެ ކަމަށް ވެސް އެ ކުންފުނިން ބުންޏެވެ.
ޕީއެސްއެމް އިން ބުނީ ކުންފުނީގެ އެކިއެކި ޑިޕާޓްމެންޓްތަކުގައި މިހާރު އަމަލުކުރަމުންދާ އެސްއޯޕީތައް އިސްލާހުކޮށް، މިފަދަ ކަންކަން ތަކުރާރުނުވާނެ ގޮތަކަށް އޮޕަރޭޝަނަލް ކަންކަން ތަރުތީބުކުރަމުންދާ ކަމަށެވެ.
ކޮމެންޓް
Republic of Maldives