ހައްޔަރު ކުރި ޓެކްސީ ޑްރައިވަރުންނާ ޓޯ ކުރި ކާރުތައް ދޫކޮށްލަން ގޮވާލައިފި
"އިހުތިޖާޖު ކުރުމަށްޓަކައި ހަޅުތާލު ކުރުމަކީ ކޮންމެ މީހަކަށް ގާނޫނުއަސާސީން ކަށަވަރު ކޮށްދޭ ހައްގެއް. ހަޅުތާލުކޮށްގެން ހައްޔަރުކުރި ހުރިހާ ޓެކްސީ ޑްރައިވަރުން ދޫކޮށްލައި ޓޯކުރި ވެހިކަލްތައް ވެރިފަރާތްތަކާ ހަވާލުކުރުމަށް ގޮވާލަން،"
ޓެކްސީ ޑްރައިވަރުން އިއްޔެ ކުރި އިޖުތިޖާޖުގައި ހައްޔަރު ކުރި ޑްރައިވަރުންނާއި ޓޯކުރި އުޅަނދުތައް ދޫކޮށްލަން އެމްޑީޕީގެ ޗެއާޕާސަން ފައްޔާޒް އިސްމާއިލް ގޮވާލައްވައިފި އެވެ.
ޓެކްސީ ޑްރައިވަރުން އިއްޔެ ކުރި އިހުތިޖާޖާ ގުޅިގެން މިއަދު އެކްސްގައި ކުރެއްވި ޕޯސްޓެއްގައި ފައްޔާޒް ވިދާޅުވީ ސަރުކާރުން ޓެކްސީ ލައިނެއް ފެށުމާ މެދު ހިތްހަމަނުޖެހުން ފާޅުކުރުމަށް އިހުތިޖާޖު ކުރި ޓެކްސީ ޑްރައިވަރުންތަކެއް ހައްޔަރުކޮށް ކާރުތައް ޓޯ ކުރުމަކީ ކަންބޮޑުވާ ކަމެއް ކަމަށެވެ.
"އިހުތިޖާޖު ކުރުމަށްޓަކައި ހަޅުތާލު ކުރުމަކީ ކޮންމެ މީހަކަށް ގާނޫނުއަސާސީން ކަށަވަރު ކޮށްދޭ ހައްގެއް. ހަޅުތާލުކޮށްގެން ހައްޔަރުކުރި ހުރިހާ ޓެކްސީ ޑްރައިވަރުން ދޫކޮށްލައި ޓޯކުރި ވެހިކަލްތައް ވެރިފަރާތްތަކާ ހަވާލުކުރުމަށް ގޮވާލަން،" އޭނާ ވިދާޅުވި އެވެ.
ޓެކްސީ ޑްރައިވަރުން އިހުތިޖާޖު ކުރަނީ ޓެކްސީ ޑްރައިވަރުންގެ ކަންބޮޑުވުންތަކަށް ހައްލެއް ނުލިބޭ ކަމަށާ ރައީސުލްޖުމްހޫރިއްޔާއަށް ކަންބޮޑުވުންތައް ހިއްސާ ކުރުމަށް ކުރި މަސައްކަތް ކާމިޔާބު ވެފައި ނުވާ ކަމަށް ބުނެ އެވެ. ޑްރައިވަރުންގެ އެންމެ ބޮޑު ކަންބޮޑުވުމަކީ ސަރުކާރުން ޓެކްސީ ލައިނެއް ތައާރަފު ކުރާތީ އެވެ. އެ މީހުން ބުނީ އެ ކަންބޮޑުވުންތަކާ އެކު ޓްރާސްޕޯޓްގެ އިސްވެރީންނާ އެކު އެތައް ފަހަރަކު ބައްދަލްކޮށް މަޝްވަރާ ކޮށްފައިވާ ކަމަށެވެ.
އެ މީހުން ވަނީ އިއްޔެ ހަވީރުން ފެށިގެން އިހުތިޖާޖު ކޮށްފަ އެވެ. އަދި ފަހުން ހުޅުމާލެ އިން ހައިވޭއަށް އަރާ ހިސާބުގައި ތިބެ އިހުތިޖާޖު ކޮށްފައިވެ އެވެ. އެ އިހުތިޖާޖާއި ގުޅިގެން މުޅި ސަރަހައްދު ޓްރެފިކްގައި ޖެހި އެތައް ބަޔަކަށް ދަތިވެފައިވެ އެވެ.
ފުލުހުން ވަނީ އެ ސަރަހައްދަށް ގޮސް ބައެއް ޓެކްސީ ޑްރައިވަރުން ބެލުމުގެ ދަށަށް ގެންގޮސްފަ އެވެ. އަދި ބައެއް ކާރުތައް ޓޯކޮށްފައިވެ އެވެ.
ކޮމެންޓް
Republic of Maldives