އެ އިމާރާތް ވަަށައިގެން ހުރި އެހެން އިމާރާތްތަކުން ވެސް މިހާރު ވަނީ މީހުން ހުސްކޮށްފަ އެވެ. މުޅި ސަރަހައްދަށް ބޯ ދުމުގެ އަސަރުކޮށްފައިވާއިރު، ކައިރީ ހުރި ބައެއް ސްކޫލުތަކުގެ ކިޔެވުން ވެސް ވަނީ މެދުކަނޑާލުމަށްފަހު ހުސްކޮށްފަ އެވެ.
މިއަދު ހެނދުނު ރޯވި އަލިފާންގަނޑު ނިއްވުމުގެ މަސައްކަތް އަދިވެސް އެމްއެންޑީއެފްއާއި އެއާޕޯޓުގެ ފަޔާ ފައިޓަރުން ދަނީ ކުރަމުންނެވެ. ކުރިއަށްވުރެ ހުޅުގަނޑު ކުޑަ ނަމަވެސް އެއްކޮށް ނިއްވާލެވިފައެއް ނުވެ އެވެ. މިހާދިސާގައި މީހަކަށް އަނިޔާވި ކަމުގެ މައުލޫމާތެއް ވެސް މިހާތަނަކަށް ނުލިބެ އެވެ.
އެ އިމާރާތް ވަަށައިގެން ހުރި އެހެން އިމާރާތްތަކުން ވެސް މިހާރު ވަނީ މީހުން ހުސްކޮށްފަ އެވެ. މުޅި ސަރަހައްދަށް ބޯ ދުމުގެ އަސަރުކޮށްފައިވާއިރު، ކައިރީ ހުރި ބައެއް ސްކޫލުތަކުގެ ކިޔެވުން ވެސް ވަނީ މެދުކަނޑާލުމަށްފަހު ހުސްކޮށްފަ އެވެ.
މި އަލިފާނުގެ ހާދިސާގެ ސަބަބުން ހައުސިން މިނިސްޓްރީ، އެންވަޔަރަމެންޓް މިނިސްޓްރީ އަދި އިންފްރާސްޓްރަކްޗާ މިނިސްޓްރީ ހިންގާ އިމާރާތަށް ވަނީ ބޮޑެތި ގެއްލުންތައް ލިބިފަ އެވެ. އެންމެ ބޮޑަށް ގެއްލުން ލިބުނީ ހައުސިން އަދި އިންފްރާސްޓްރަކްޗާ މިނިސްޓްރީގައި ޓިނުން ހަދާފައި ހުރި އިމާރާތަށެވެ. އެތަން މިހާރު ވަނީ ބިމާ ހަމަވެފަ އެވެ.
އެމްއެންޑީއެފް އިން ވަނީ އެތަނުގައި ހުރި ބައެއް ލިޔެކިޔުން ސަލާމަތް ކުރެވޭތޯ ވެސް މަސައްކަތް ކޮށްފަ އެވެ. ހައުސިން މިނިސްޓްރީއަކީ ހާއްސަ ގޮތެއްގައި އާންމުންގެ ލިޔެކިޔުން ވަރަށް ގިނައިން ހުންނާނެ އިމާރާތެކެވެ.