ހެންވޭރުގެ ހިދުމަތްތެރިޔާ ގަދަގޭ ވަަސީމާ ނިޔާވެއްޖެ
ވަސީމާ ނިޔާވީ އިންޑިއާގެ ކޮޗިންގަ ފަރުވާ ދެމުން ދަނިކޮށެވެ. ފަރުވާއަކަށް އިންޑިއާއަށް ދިޔައީ މީގެ ދެތީން މަސް ދުވަސް ކުރީންނެވެ.
ހެންވޭރުގެ އަންހެނުން ކޮމެޓީގެ މެންބަރެއްގެ ހައިސިއްޔަތުން އެ އަވަށާއި މާލޭއަށް އިޖްތިމާއީ ގޮތުން ވަރަށް ގިނަ ހިދުމަތްތަކެއް ކޮށް ދެއްވި ހެންވޭރު ހިދުމަތްތެރިޔާ ގަދަގޭ ވަަސީމާ މުހައްމަދު މިއަދު ނިޔާވެއްޖެ އެވެ.
ވަސީމާ ނިޔާވީ އިންޑިއާގެ ކޮޗިންގަ ފަރުވާ ދެމުން ދަނިކޮށެވެ. ފަރުވާއަކަށް އިންޑިއާއަށް ދިޔައީ މީގެ ދެތީން މަސް ދުވަސް ކުރީންނެވެ.
ވަސީމާ އަކީ މާލޭގައި ކޮމެޓީތަކުގެ މަސައްކަތް އެންމެ ވާދަވެރިކޮށް ހިންގި ދުވަސްވަރު ހެންވޭރު އަންހެނުންގެ ކޮމެޓީގެ އެންމެ ހަރަކާތްތެރި މެންބަރެވެ. ހެންވޭރު ގައި އެ ދުވަސްވަރު ހިންގުނު އިޖުތިމާއީ ވަރަށް ގިނަ ހަރަކާތްތަކުގައި ވަރަށް މުހިންމު ދައުރެެއް އަދާކުރި އެވެ. އޭރުގެ ހެންވޭރު ސުކޫލު -- މަދަރުސަތުލް އަމީރު އަހްމަދަށް ވެސް އެކި ގޮތްގޮތުން ގިނަ އެހީތަކެއް ވެދިނެވެ.
މީހުންނާއި ވަރަށް ގުޅޭ އެކުވެރި މިޖާޒެއްގެ ވަސީމާ އަކީ ނޮޅިވަރަމް ދާއިރާގެ މެންބަރު މުހައްމަދު ރަޝީދު (އިޓަލީ) ގެ އަނބިކަނބަލުންނެވެ.
ވަަސީމާ ނިޔާވުމާއި ގުޅިގެން މަޖިލީހުގެ ރައީސް އަބްދުއްރަހީމް އަބްދުﷲ ވަނީ ތައުޒިޔާ ވިދާޅުވެފަ އެވެ.
ކޮމެންޓް
Republic of Maldives