އެމްޑީޕީގެ ވެރީން ހައްޔަރުކޮށްފި ނަމަ ވަގުތީ ގޮތުން ޕާޓީ ހިންގާނެ ބަޔަކު ނަގައިފި

ފައްޔާޒު މިކަން އިއުލާނު ކުރެއްވިއިރު ރައްޔިތުންނަށް ދެރަ ދިނީމާ ރައީސް މުހައްމަދު އަމީންއަށް ހެދިގޮތް ހަދަން ޖެހޭ ކަމަށް ފައްޔާޒު ވިދާޅުވި މައްސަލަ އޮތީ ވަރަށް ހޫނުވެފަ އެވެ.

މިރޭގެ ޖަލްސާގައި ފައްޔާޒު

އިދިކޮޅު މައި ޕާޓީ -- އެމްޑީޕީގެ ލީޑާޝިޕްގެ އިސް ބޭފުޅުން ހައްޔަރު ކޮށްފި ހާލަތެއް ގައި ޕާޓީގެ ހިންގުމުގައި ވަގުތީ ގޮތުން ހަރަކާތްތެރިވާނެ ބޭފުޅުން ކަނޑައަޅާފައިވާ ކަމަށް އެ ޕާޓީން ބުނެފި އެވެ.

މިރޭ ކާނިވާ ސަރަހައްދު ގައި އޮތް އެމްޑީޕީގެ "ގާނޫނު އަސާސީގެ ދިފާއުގައި" ޖަލްސާގެ ކުރީން އޮތް ގައުމީ މަޖިލީހުގެ ބައްދަލްވުން ނިންމާލުމުގެ ގޮތުން އެޕާޓީގެ ޗެއާޕާސަން ފައްޔާޒު އިސްމާއީލް ވަނީ ރޭ އޮތް ނުރަސްމީ ބައްދަލްވުމެއް ގައި އެފަދަ ނިންމުމެއް ނިންމާފައިވާ ކަން އިއުލާނު ކުރައްވާފަ އެވެ.

ނަމަވެސް އެ ނިންމުމާއި ގުޅޭ އެއްވެސް ތަފްސީލެއް ނުދެއްވަ އެވެ. އެހެން ކަމުން އެ ޕާޓީގެ ލީޑާޝިޕްގެ އިސް ބޭފުޅުން ހައްޔަރު ކޮށްފި ހާލަތެއް ގައި ޕާޓީގެ ހިންގުމުގައި ވަގުތީ ގޮތުން ހަރަކާތްތެރިވާނީ ކޮން ބޭފުޅުންނެއް ކަމެއް ސާފެއް ނުވެ އެވެ.

ފައްޔާޒު މިކަން އިއުލާނު ކުރެއްވިއިރު ރައްޔިތުންނަށް ދެރަ ދިނީމާ ރައީސް މުހައްމަދު އަމީންއަށް ހެދިގޮތް ހަދަން ޖެހޭ ކަމަށް ފައްޔާޒު ވިދާޅުވި މައްސަލަ އޮތީ ވަރަށް ހޫނުވެފަ އެވެ. މިއަދު އޮތް މަޖިލީހުގެ ޖަލްސާގައި ސަރުކާރު ޕާޓީއަށް އަށް ނިސްބަތްވާ މެންބަރުން ވަނީ ވަގުތުން ފައްޔާޒު ހައްޔަރު ކުރަން ޖެހޭ ކަމަށް ވިދާޅުވެ އެކަމަށް ގޮވާލައްވާފަ އެވެ. ކެބިނެޓް މިނިސްޓަރުންނާއި މަޖިލީހުގެ ރައީސް އަބްދުއްރަހީމް އަބްދުﷲ ވެސް ވަނީ ފައްޔާޒުގެ އެ ވާހަކަތައް ކުށްވެރި ކުރައްވާ މައްސަލަ ބެލުމަށް ގޮވާލައްވާފަ އެވެ.

ފައްޔާޒު މި މޭރުމުން ވާހަކަ ދެއްކެވީ ކުރީގެ ރައީސް މުހައްމަދު އަމީންއަށް ވީގޮތް ރައީސް ޑރ. މުހައްމަދު މުއިއްޒުއަަށް ވެދާނެ ކަމަށް އެމްޑީޕީގެ އާންމު މެންބަރަކު ބުނި ބުނުން ދިފާއު ކޮށް ވާހަކަ ދައްކަވަމުންނެވެ. ކުޅުދުއްފުށީގައި އެމްޑީޕީން ބޭއްވި ޖަލްސާއެއްގައި އެ ރަށަށް ނިސްބަތްވާ އެމްޑީޕީގެ މެންބަރަކު ވަނީ ކުރީގެ ރައީސް މުހައްމަދު އަމީންއަށް ވީގޮތް ރައީސް ޑރ. މުހައްމަދު މުއިއްޒުއަަށް ވެދާނެ ކަމަށް ބުނެ ވާހަކަ ދައްކާފަ އެވެ.

ރައީސް އަމީންއާމެދު އެމަނިކުފާނުގެ ސިޔާސީ ވާދަވެރީން ގަސްތުގައި ދޮގު ފަތުރާ ރައްޔިތުންނަށް އޮޅުވާލުމުގެ ނަތީޖާއެެއްގެ ގޮތުން ރައްޔިތުންގެ ބަޔަކު ވަނީ އެމަނިކުފާނުގެ ހަށިކޮޅަށް އަރައިގަނެ ވަރަށް ބޮޑަށް އަނިޔާ ދެއްވާފަ އެވެ. އެމަނިކުފާނު އަވަހާރަވީ އެ ހާދިސާގައި ލިބިވަޑައިގެން އަނިޔާތަކުގެ ސަބަބުންނެވެ.

އެމްޑީޕީގެ ޕޯޑިއަމްގައި ދެއްކި ވާހަަކަތަކާއި ގުޅިގެން ނޫސްވެރިއަކު ސުވާލު ކުރުމުން ‏އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވީ ރައީސް އަމީންއަށް ވީގޮތް ރައީސް މުއިއްޒުއަަށް ވެދާނެ ކަމަށް އެމީހާ ބުނީ ނަސޭހަތެއްގެ ގޮތުގައި ކަމަށެވެ.

އަދި ވިދާޅުވީ ރާއްޖޭގެ ތާރީހުގައި ހިނގާފައި ހުރި ކަންކަން ވެރިންނަށް ހަނދާން ކޮށްދިނުމަކީ އާންމު ރައްޔިތުން ކޮންމެހެން ކުރަންޖެހޭ ކަމެއް ކަމަށެވެ.

"... 'ރައްޔިތުންނަށް ދެރަ ދިނީމާ ހަމަ މުހައްމަދު އަމީންއަށް ހެދިގޮތް ހަދަން ޖެހޭނީ، އެހެން ކޮން ގޮތެއްތޯ ހަދާނީ' އެއީ ދިވެހިރާއްޖޭގެ ތާރީހު ދައްކާފައި އޮތް ހަގީގަތް. އަޅުގަނޑު ގަބޫލު ކުރާ ގޮތުގައި ކުޅުދުއްފުށީ ޕޯޑިއަމްގައި އެ ބޭފުޅަކު އެހެން އެ ވިދާޅުވީ ރައީސުލްޖުމްހޫރިއްޔާއަކަށް މިހާރު އެ ހުންނެވި ޑރ. މުއިއްޒުއަށް ނަސޭހަތުގެ ގޮތުގައި. އެހެންވިޔަ ނުދޭށޭ އެ ބޭފުޅަކު ވިދާޅުވީ އިނގޭތޯ،" ފައްޔާޒު ވިދާޅުވި އެވެ.

ކޮމެންޓް

1
450
އިއްބަޑޭ
3 months ago

އެވެރިން އެވެރިންނާ ނަގޫ ގޮށްޖެހޭނީ. ކެނެރީގޭ އައްސައިތާނު ސިރީ ސޫލާސިރާޒް ބޮވުނު މަހާރަދުން

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.