ޝަރަފުވެރިކަމުގެ ގައުމީ އިނާމު 10 ބޭފުޅަކަށް އަރުވައިފި
ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސުލްޖުމްހޫރިއްޔާ ދެއްވީ ޝަރަފުގެ އައްޑަނަ އާއި ޝަރަފުގެ ބެޖެވެ. ގައުމީ އިނާމަށް ބޭފުޅުން ހޮއްވެވީ އެކަމަށްޓަކައި ރައީސުލްޖުމްހޫރިއްޔާ އުފައްދަވާފައިވާ ގައުމީ އިނާމާބެހޭ ކޮމިޓީއިންނެވެ.
ސަރުކާރުން ދެއްވާ ޝަރަފުވެރިކަމުގެ ގައުމީ އިނާމު 10 ބޭފުޅަކަށް މިރޭ އަރުވައިފި އެވެ.
ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސުލްޖުމްހޫރިއްޔާ ދެއްވީ ޝަރަފުގެ އައްޑަނަ އާއި ޝަރަފުގެ ބެޖެވެ. ގައުމީ އިނާމަށް ބޭފުޅުން ހޮއްވެވީ އެކަމަށްޓަކައި ރައީސުލްޖުމްހޫރިއްޔާ އުފައްދަވާފައިވާ ގައުމީ އިނާމާބެހޭ ކޮމިޓީއިންނެވެ.
ޝަރަފުވެރިކަމުގެ ގައުމީ އިނާމް ލިބިވަޑައިގެންނެވި ބޭފުޅުން
- ދިވެހިބަހާއި އަދަބިއްޔާތުގެ ދާއިރާއިން / މުހައްމަދު ޝާހިދު ހަލީމް، މ. ޑައިމަންޑްވެލީ
- ދިވެހިބަހާއި އަދަބިއްޔާތުގެ ދާއިރާއިން / ހަސަން ޝާކިރު މުހައްމަދު، ހ. ހުދުފިނިފެންމާގެ
- ދިވެހި ސަގާފަތާއި އާދަކާދައިގެ ދާއިރާއިން / އަބްދުﷲ، އާރުޒޫ، ގދ. ތިނަދޫ
- ތައުލީމީ ދާއިރާއިން / ޑޮކްޓަރު އަހްމަދު އަންވަރު، ހަސަންކާރިގެ، ސ. މީދޫ
- ސިއްހީ ދާއިރާއިން / އަހްމަދު ނާޝިދު، ހ. ރަންރިބުދޫ
- ތިމާވެށްޓާއި ހަކަތައިގެ ދާއިރާއިން / މުހައްމަދު ޒާހިރު، މއ. ކިނާރާހައުސް
- އިޖުތިމާއީ ހިދުމަތުގެ ދާއިރާއިން / ޒަރީނާ އަހްމަދުދީދީ ކުމުންޒާނިގެ، ސ. ފޭދު
- އިޖުތިމާއީ ހިދުމަތުގެ ދާއިރާއިން / އަހްމަދު އަލީމަނިކު، ގ. ވިޔަވަތި
- ވިޔަފާރި އާއި އިގްތިސާދީ ދާއިރާއިން / މުހައްމަދު ސޯލިޙް، މ. ޝުއާޒް
- މަސައްކަތްތެރިކަމުގެ ދާއިރާއިން / އާބިދާ އިސްމާއީލް އަލީ، މ. ކަނޑޫކުރި
މިރޭގެ ޖަލްސާގައި ހިތްވަރު ދިނުމުގެ ގައުމީ އިނާމު 19 ބޭފުޅަކަށާއި ތިން ފަރާތަކަށް ރައީސުލްޖުމްހޫރިއްޔާ ވަނީ އިނާމް ދެއްވާފައެވެ. އެ ތިން ފަރާތަކީ މޯލްޑިވްސް އޯޓިޒަމް އެސޯސިއޭޝަން އާއި ޑީ ޓިއުން ބޭންޑް އަދި މުނި އެންޓާޕްރައިޒަސް ޕްރައިވެޓް ލިމިޓެޑެވެ.
ހިތްވަރު ދިނުމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސުލްޖުމްހޫރިއްޔާ ދެއްވީ ހަނދާނީ ފިލައެކެވެ.
މި ޖަލްސާގައި ރައީސުލްޖުމްހޫރިއްޔާ ވަނީ މިރޭ އިނާމު ލިބިވަޑައިގެންނެވި ހުރިހާ ބޭފުޅުންނަށް ތަހުނިޔާ ވިދާޅުވެފައެވެ.
ސަރުކާރުން ދެއްވަމުން ގެންދަވާ ގައުމީ އިނާމަކީ ދިވެހި ގައުމާއި ދިވެހި މުޖުތަމައުގެ ލާބަ އާއި މަންފާއަށްޓަކައި ވަކިވަކި ފަރުދުންނާއި މަދަނީ މުއައްސަސާތަކުންނާއި މަދަނީ ޖަމިއްޔާތަކާއި ޖަމާއަތްތަކުންނާއި ވިޔަފާރި އިދާރާތަކުން ދެމެހެއްޓެނިވި ގޮތެއްގައި ދިވެހި ހައުމުގެ ތަރައްގީ ގައި ކުރަމުން ގެންދާ މަސައްކަތް ތަކުގައި އެ ފަރާތްތަކުން ހޯދާ ކުރިއެރުންތައް ބަލައިގަނެ އެ ކަންކަމުގެ އަގު ވަޒަންކޮށް އެ ފަރާތްތަކަށް ހިތްވަރު ދިނުމުގެ މަގުސަދުގައިދޭ އިނާމެކެވެ.
ގައުމީ އިނާމުގެ ގޮތުގައި ދެއްވަމުން ގެންދަވަނީ ޝަރަފުވެރިކަމުގެ ގައުމީ އިނާމާއި ހިތްވަރު ދިނުމުގެ ގައުމީ އިނާމެވެ.
ކޮމެންޓް
Republic of Maldives