މުދިމަކު ކުއްޖަކަށް ޖިންސީ ގޯނާ ކުރި މައްސަލައެއް
ފުލުހުން މިއަދު ބުނީ ސައުތު ސެންޓްރަލް ޕޮލިސް ހިމެނޭ ރަށެއްގައި 10 އަހަރުގެ އަންހެން ކުއްޖަކަށް ޖިންސީ ގޯނާ ކުރެވޭ ކަމަށް ތުހުމަތު ކުރެވޭ މައްސަލައެއް އިއްޔެ ހުށަހަޅާފައިވާ ކަމަށެވެ.
ރަށެއްގައި މުދިމަކު އޭނާ ކައިރިއަށް ގުރުއާން ކިޔަވަން ދާ ކުޑަކުއްޖަކަށް ޖިންސީ ގޯނާ ކުރި މައްސަލައެއް ފުލުހުން ތަހުގީގު ކުރަން ފަށައިފި އެވެ.
ފުލުހުން މިއަދު ބުނީ ސައުތު ސެންޓްރަލް ޕޮލިސް ހިމެނޭ ރަށެއްގައި 10 އަހަރުގެ އަންހެން ކުއްޖަކަށް ޖިންސީ ގޯނާ ކުރެވޭ ކަމަށް ތުހުމަތު ކުރެވޭ މައްސަލައެއް އިއްޔެ ހުށަހަޅާފައިވާ ކަމަށެވެ.
މި މައްސަލައާ ގުޅިގެން އުމުރުން 51 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމަށް ފުލުހުން ބުންޏެވެ. އެ ފިރިހެން މީހާ އަކީ ރަށެއްގެ މުދިމެއް ކަމަށް މައުލޫމާތު ލިބެ އެވެ. އޭނާ ޖިންސީ ގޯނާ ކުރި ކަމަށް ތުހުމަތު ކުރަނީ އޭނާ ހިންގާ ގުރުއާން ކްލާހަށް ދާ ކުއްޖަކަށެވެ.
ކުޑަކުދިންނަށް ޖިންސީ ގޯނާ ކުރާ މައްސަލަތަކަކީ ސީރިއަސް މައްސަލަތަކަށް ވާތީ ކުއްޖާގެ އައިޑެންޓިޓީ ރައްކާތެރިކުރުމުގެ ގޮތުން، ކުއްޖާގެ އޮތޮޅާއި ރަށް ފުލުހުން ހާމައެއް ނުކުރު އެވެ. މި މައްސަލައިގައި ހިމެނެނީ ސައުތު ސެންޓްރަލް ރީޖަންގެ މ. ދ. ދ. ތ. އަދި ލ. އަތޮޅެވެ.
ކޮމެންޓް
Republic of Maldives