އެފްޑީސީގެ 1 ބިލިއަނުގެ ހިއްސާގެ ބަދަލުގައި ދައުލަތުގެ 19 ބިން ދީފި
ފިނޭންސް މިނިސްޓްރީން ވަނީ އެ މިނިސްޓްރީގެ މިލްކުވެރިކަމުގައި އޮތް 19 ބިމެއް އެ ހިއްސާގެ އަގުގެ ގޮތުގައި އެކުންފުންޏަށް ވިއްކާފަ އެވެ. މި ބިންތަކުގެ އަގުގެ ގޮތުގައި ދެ ފަރާތުން އެއްބަސްވެފައި ވަނީ 1.3 ބިލިއަން ރުފިޔާ އެވެ.
ފަހި ދިރިއުޅުން ކޯޕަރޭޝަން (އެފްޑީސީ)ގައި ދައުލަތުގެ ހިއްސާގެ ގޮތުގައި ފިނޭންސް މިނިސްޓްރީގެ ނަމުގައި އޮތް އެއް ބިލިއަން ރުފިޔާގެ ބަދަލުގައި 19 ބިން މިލްކުކޮށްދީފި އެވެ.
ސަރުކާރުގެ 100 ޕަސެންޓް ހިއްސާ އޮންނަ އެފްޑީސީއަކީ މިހާރު 200 މިލިއަންގެ ހިއްސާ އޮންނަ ކުންފުންޏެވެ. އެ ހިއްސާގެ އަގަށްވާ ދެ ބިލިއަން ރުފިޔާގެ ތެރެއިން މިހާތަނަށް ސަރުކާރުން ނުދީ އޮތީ 107 މިލިއަން ހިއްސާ އެވެ.
އެހެންވެ، ފިނޭންސް މިނިސްޓްރީން ވަނީ އެ މިނިސްޓްރީގެ މިލްކުވެރިކަމުގައި އޮތް 19 ބިމެއް އެ ހިއްސާގެ އަގުގެ ގޮތުގައި އެކުންފުންޏަށް ވިއްކާފަ އެވެ. މި ބިންތަކުގެ އަގުގެ ގޮތުގައި ދެ ފަރާތުން އެއްބަސްވެފައި ވަނީ 1.3 ބިލިއަން ރުފިޔާ އެވެ.
މި މައްސަލައިގައި ސިވިލް ކޯޓުން އިއްޔެ ކޮށްފައިވާ ހުކުމުގައި ބުނެފައި ވަނީ، ބަންޑާރަ ގޯތި އަމިއްލަކުރުމަށް ސަރުކާރަށް ދައްކަންޖެހޭ އަގު ފައިސާއިން ދެއްކުން ފިޔަވައި، އެހެން އެއްވެސް ކަމެއްގައި، ވިއްކުމުގެ އަގު އަދާކުރަން ޖެހޭނީ ފައިސާއިން ކަމަށް ދިރިއުޅުމަށް ދޫކޮށްފައިވާ ބަންޑާރަ ގޯތި އަމިއްލަ ކުރުމާއި ގަނެ ވިއްކުމާ ބެހޭ ގަވާއިދުގައި ބަޔާންކޮށްފައި ނުވާ ކަމަށެވެ.
އެހެންކަމުން ސިވިލް ކޯޓުން ވަނީ މިއީ ސައްހަ މުއާމަލާތެއް ކަމަށް ކަނޑައަޅައި، އެ 19 ބިން އެފްޑީސީއަށް މިލްކުކޮށްދީފަ އެވެ.
ކޮމެންޓް
Republic of Maldives