ވެމްކޯގެ 365 ދުވަސް | ކުންފުނި ހަރުދަނާކޮށް ވިޔަފާރީގެ އާ މިސްރާބަކަށް

މާލެ ސަރަހައްދުގައި ކުނީގެ މައްސަލަ ގޯސްވެގެން ދިއުމާއެކު ކުނީގެ މައްސަލަ ހައްލުކުރަން ވެމްކޯ އުފެއްދީ 2018 ވަނަ އަހަރު އެވެ. ރައީސް އަބްދުﷲ ޔާމީންގެ ވެރިކަމުގައި އުފެއްދި މި ކުންފުންޏަށް އެއިރަށް ބޭނުންވާނެ "ބޭސިކް ވަސީލަތް" ހޯދި ނަމަވެސް ފަހުން އައި ރައީސް އިބްރާހިމް މުހައްމަދު ސޯލިހުގެ ސަރުކާރަށް ވެމްކޯއަކީ މާ ޝައުގުވެރި ކުންފުންޏަކަށް ނުވި އެވެ. ނަތީޖާއަކީ އެ ކުންފުނި އަޅާ ނުލައި ދޫކޮށްލީ އެވެ. ކުނި ނަގަން ބޭނުންކުރާ އުޅަނދުތައް ބާވެ ދަބަރަށް ވެގެން ދިޔައިރުވެސް އާ ވަސީލަތް ހޯދަން ބޭނުމެއް ނުވި އެވެ. ކުންފުނީގެ ހިންގުން ބޮއްސުންލައިގެން ގޮސް އޮތީ އަތް ނުފޯރާ ހިސާބުގަ އެވެ. މިހާލަތުގައި ކުންފުނި އޮއްވައި ވެރިކަން ބަދަލުވެ ކުންފުނީގެ ހުންގާނާ ހަވާލުވީ މިހާރުގެ އެމްޑީ މުޖުތަބާ ޖަލީލް އެވެ. ވެމްކޯގެ އާ މެނޭޖުމަންޓުން ހަވާލުވި އެ ކުންފުނީގެ ވިޔަފާރިއާއި ހިންގުމަށްވެސް ވަނީ މުހިންމު ބަދަލުތަކެއް ގެނެސްފަ އެވެ. އަދި މާލީ ގޮތުން ސަރުކާރަށް ދަތި ދުވަސްވަރެއްގައި ވެސް އެ ކުންފުނިން ދަނީ ބައެއް އުޅަނދުތައް ހޯދައި ރައްޔިތުންނަށްދޭ ހިދުމަތް ވަރުގަދަ ކުރަން މަސައްކަތް ކުރަމުންނެވެ. 

އެއް އަހަރުތެރޭގައި ވެމްކޯ އިން ހޯދި އެންމެ ބޮޑު އެއް ކާމިޔާބަކީ އެ ކުންފުންޏަކީ އަމިއްލަ ފައިމަތީގައި ސަރުކާރުގެ ބަޖެޓުން ކުރާ ހޭދަ ކުޑަކޮށް އޮންނަ ބަޔަކަށްވާން އާ ވިޔަފާރިތަކަށް ދާން އެޅި ދިގު ފިޔަވަޅެވެ. ހަމައެކަނި މާލޭން ތިލަފުއްޓަށް ކުނި އުކާ ކުންފުންޏެއްގެ ގޮތުގައި އޮތުމުގެ ބަދަލުގައި ޓޫރިޒަމް ސިނާއަތުން އަހަރު އުފައްދާ އެތައް މިލިއަން ޓަނެއްގެ ކުނި މެނޭޖު ކުރުމުގެ ވިޔަފާރި އަށް އެ ކުންފުނި ދަނީ ނުކުންނަމުންނެވެ. އަދި ފޮޅައި ސާފު ކުރުމުގެ ވިޔަފާރި އަށް ވެސް ވެމްކޯ ވަނީ ނުކުމެފަ އެވެ. 

ވެމްކޯ އިން ރިސޯޓްތަކާއެކު ކުނި މެނޭޖު ކުރުމުގެ އެއްބަސްވުންތަކެއް ހަދަން އިއްޔެ މާގިރި ހޮޓަލުގައި ބޭއްވި ރަސްމިއްޔާތުގައި އެމްޑީ މުޖުތަބާ ވިދާޅުވި ގޮތުގައި "ފަތުރުވެހި" ގެ ނަމުގައި ޓޫރިޒަމް ކުނި މެނޭޖު ކުރަން ފެށި މަސައްކަތަށް ބޮޑު ތަރުހީބެއް ދަނީ ލިބެމުންނެވެ. 

"އިތުރު ގިނަ ރިސޯޓްތަކުން ދަނީ ވެމްކޯއާއެކު މަސައްކަތް ކުރަން ޝައުގުވެރިކަން ފާޅު ކުރަމުން،" މުޖުތަބާ ވިދާޅުވި އެވެ. 

އެ ކުންފުނިން ވަނީ ހިންގުން ހަރުދަނާކޮށް ވިޔަފާރި ފުޅާކުރަން ގިނަ ފިޔަވަޅުތަކެއް އަޅާފަ އެވެ.  ވެމްކޯ ބިލް ސްޓެލްކޯގެ ބިލުގެ ތެރެއިން ބިލް ކުރަން ފެށުންވީ ކުންފުނީގެ ކަސްޓަމަރުންގެ އަދަދު އިތުރުވެގެން ދިޔަ ކަމަށެވެ. މި ބަދަލާއެކު އެ ކުންފުނީގެ ކަސްޓަމަރުންގެ އަދަދު 27،000 އިން 55000 އަށް ވަނީ އިތުރުވެފަ އެވެ. އަދި ޕްރޮޖެކްޓްސް ތަކަށް ޙާއްސަ ޕްރޮޖެކްޓް ޑިޕާޓްމެންޓެއް އުފައްދައި ޕްރޮޖެކްޓް ތަކުން އާމްދަނީ ހޯދަންފެށިފަ އެވެ. އަލަށް ފެށި ރިސޯޓް ކުނި މެނޭޖު ކުރުމުގެ ދާއިރާގައި ތިން ރިސޯޓަކަށް ދަނީ ހިދުމަތް ދެމުންނެވެ. އަދި އެންމެފަހުން ސޮއިކުރި ރިސޯޓްތަކާއެކު ރިސޯޓުގެ އަދަދު ފަހަކަށް ވަނީ އިތުރުވެފަ އެވެ.  މީގެ އިތުރުން މާލޭ ސަރަހައްދުގައި ވިޔަފާރި ތަކުގެ އަދަދު ކަމަށް ބެލެވޭ 12000  ހުރިނަމަވެސް ވެމްކޯގައި ރަޖިސްޓާ ވެފައިވާ ތަންތަނުގެ އަދަދު އުޅެނީ 3،000 ގައި ކަމަށްވާތީ ވިޔަފާރިތައް އިތުރު ކުރުމުގެ މަސައްކަތް ވެސް ވަނީ ފެށިފަ އެވެ. މިހާތަނަށް މަހެއްގެ ތެރޭ އިތުރު 271 ވިޔަފާރިއެއް ވަނީ ރަޖިސްޓްރީވެފަ އެވެ.  އަދި ކުންފުނީގެ އެޑްމިނ،ް އެޗްއާރް އަދި އެކައުންޓިން ރެކޯޑްތައް ބެލެހެއްޓުމަށް ސޮފްޓްވެއަރތައް އަޕްގްރޭޑް ކުރުމާއި އީއާރްޕީ ސޮފްޓްވެއަރ އިމްޕްލިމެންޓް ކުރަން ވަނީ ފެށިފައިފަ އެވެ.

އާ މެނޭޖުމަންޓުން ވެމްކޯއާއި ހަވާލުވުމަށްފަހު ރާއްޖޭގެ ބޮޑު ދެ ސިޓީ ކަމުގައިވާ ކުޅުދުއްފުށި ސިޓ،ީ ތިނަދޫ ސިޓީ ގެ މަސައްކަތްވަނީ ފަށާފަ އެވެ. މިގޮތުން ގިނަ އަދަދެއްގެ ގެސްޓްހައުސް ހިންގަމުންދާ ކ. މާފުށީގައި ވެސް ދަނީ ރަސްމީކޮށް ޚިދުމަތް ދެމުންނެވެ. އަދި ހައްދުންމަތީ ފޮނަދޫ އަދި ގަމުގައި ވެސް އަންނަނީ ޚިދުމަތް ރަސްމީކޮށް ފެށުމަށް ވާންޖެހޭ އެންމެ ފަހުގެ ތައްޔާރީތައް ވަމުން ދާއިރު ކުރިއަށް އޮތް ހަފްތާގައި ފޮނަދޫގައި އަމަލީ މަސައްކަތް ފަށާނެ އެވެ. އަދި ކ. ހިންމަފުށި އަދި ކ.ގުރައިދޫގައި ވެމްކޯގެ ހިދުމަތްތައް ފެށުމަށް ވާން ޖެހޭ ތައްޔާރީތަށް ވަނީ ނިމިފަ އެވެ. އަދި އިތުރު ރައްތަކެއްގައިވެސް ޚިދުމަތް ފެށުމުގެ މަސައްކަތް ކުރިއަށް ގެންދެ އެވެ. މީގެ އިތުރުން މާލޭގައި ގާޤާއިމްކޮށްފައިވާ ވެމްކޯގެ ޓްރާންސްފާ ސްޓޭޝަންއަށް ގެނެވުނު ބަދަލާއެކު މަސައްކަތް ފަށާފަ އެވެ. މިހާރު މިހާރު ދުވާލަކު 200 ހާ އުޅަދަށް ހިދުމަތް ދެ އެވެ. އަދި ތިލަފުއްޓަށް ކުނިގެންދިއުންވަނީ ކޮންޓައިނަރައިޒް ކުރެވިފައިވެ އެވެ. އަދި ކޮކާކޯލާ ފައުންޑޭޝަންގެ އެހީގައި މެޓީރިއަލް ރިކަވަރީ ފެސިލިތީއެއް ޤާއިމްކުރުމަށް ވެމްކޯއާއި މޯޕާއިން ވާނީ އެއްބަސް ވުމެއްގައި ސޮއިކޮށްފަ އެވެ. 

ކުނި ތިލަފުއްޓަށް ގެނައުމުން ބައިބަޔަށް ކުނި ވަކި ކުރެވި ސީވް (ކުނި ފުރޭނުން) ކުރުމަށްފަހު ކުނި ޝްރެޑް
(ކުނި ކުދިކުރުން)  ކޮށް ބޭލް (ކުނި ބަންދުކުރުން) ކުރަން ވަނީ ފެށިފަ އެވެ. މިގޮތުން ކުނިވާޒާތުގެ ކުނި ވަކި އުސޫލަކުން ލޭންޑްފިލް އަށް އަޅަމުންދެ އެވެ. އަދި މަރާމާތު ނުކޮށް ގިނަދުވަސްވީ ވެހިކަލްތަކާއި މެޝިނަރީސްތައް މަރާމާތުކޮށް ވަނީ އަލުން އޮޕަރޭޝަނަށް ވަނީ ނެރެން ފަށާފަ އެވެ. ކުރި އާއި ހިލާފަށް މިހާރު ހިދުމަތް ހޯދުމަށް އަންނަ އުޅަނދުތަކަށް މަދުވެގެން ތިން ގަޑިއިރު ތެރޭ ހިދުމަތް ދެވިގެންދާނެ އެވެ. އަދި މިހާރު ތިލަފުށީ އޮޕަރޭޝަން ވަނީ 24 ގަޑިއިރަށް ބަދަލު ކުރެވިފައިފަ އެވެ. މީގެ އިތުރުން ތިލަފުށްޓަށް ކުނި ގެންނަ އުޅަނދުތަކުގެ ބަރުދަން ރަޖިސްޓްރީކުރެވިފައިވާ ގޮތް ދެނެގަނ،ެ ޓްރާސްޕޯޓް މިނިސްޓްރީ
އާއި މަޝްވަރާކޮށް އަގުތައް ކަނޑައެޅުމުގެ މަސައްކަތް ވަނީ ފެށިފަ އެވެ. 

ވެމްކޯއަކީ ގިނަ އަދަދެއްގެ ދިވެހިން މަސައްކަތް ކުރާ ކުންފުންޏެކެވެ. އަދި އަންހެން ގިނަ މުވައްޒަފުން ވެސް މަސައްކަތް ކުރެ އެވެ. އެ ކުންފުނީގެ މުވައްޒަފުންނަށް ފަންނީ ތަމްރީންއާއި ޤާބިލިއްޔަތުކަން އިތުރު ކުރުމުގެ ގޮތުން "ވެމްކޯ އެކެޑަމީ" ނަމުގައި
އެކަޑަމީއެއް އުފައްދައި މުވައްޒަފުންނަށް އެކި ދާއިރާތަކުން ރާއްޖެއާއި ރާއްޖެއިން ބޭރުން ތަމްރީން ވުމުގެ ފުރުސަތު ވަނީ
ހޯދާ ވަނީ ފެށިފަ އެވެ.  މީގެ އިތުރުން ހުޅުމާލޭގައި ވަޒީފާ އަދާކުރާ ވެމްކޯގެ މުއައްޒަފުންނަށް ދިމާވެފައިވާ ޖާގައިގެ ދަތިކަން ހައްލު ކުރުމުގެ ގޮތުންނެވެ. މީގެ އިތުރުން އާ އޮފީސް އިމާރާތެއް ގާއިމް ކުރަން ވަނީ ފެށިފަ އެވެ. އަދި ވެމްކޯގައި މަސައްކަތް ކުރާ އަންހެން މުއައްޒަފުންނަށް ހާއްސަކޮށް މަހަކު އެއް ދުވަސް ހާއްސަ ޗުއްޓީއެއްގެ ގޮތުގައި ވަނީ ހަމަޖައްސަން ފަށާފައިވެ އެވެ. އަދި ކްލަބް ވެމްކޯގެ ހަރަކާތްތައް އިތުރުކޮށް މުވައްޒަފުންގެ މެދުގައި އޮންނަ ގުޅުން ހަރރުދަނާ ކުރުމުގެ ގޮތުން ކަންތައްތަކެއް
ކުރެވިފައިވަ އެވެ.