ތާރީހީ ރެއެއް | ރާއްޖޭގެ ފުރަތަމަ ޑިވްލޮޕްމަންޓް ބޭންކް އިފްތިތާހުކޮށްފި
ޑީބީއެމް އިން ރާއްޖޭގެ ފަސް ދާއިރާއަކުން އިންވެސްޓްމަންޓް ހޯދަން މަސައްކަތް ކުރާނެ އެވެ.
ރާއްޖޭގެ ބޮޑެތި އިންވެސްޓްމަންޓްތަކަށް އިންވެސްޓް ކުރުމުގެ ކެޕޭސިޓީ އުފެދި ދުނިޔޭގެ މާލީ ސިނާއަތަށް ނުކުންނަ މަގުފަހި ކުރުމުގެ ގޮތުން މޯލްޑިވްސް ޑިވްލޮޕްމަންޓް ބޭންކް (އެމްޑީބީ) އިފްތިތާހުކޮށްފި އެވެ.
ރާއްޖޭގެ ފުރަތަމަ ޑިވްލޮޕްމަންޓް ބޭންކް ހަދާފައިވަނީ ރާއްޖޭގެ ފުރަތަމަ މަރުކަޒީ ބޭންކް ހިންގި ބިން ކަމަށްވާ ޗާންދަނީމަގު އުމަރު ޝޮޕިން އާކޭޑް އިމާރާތުގަ އެވެ. އިފްތިތާހު ކުރެއްވުމަށްފަހު ރައީސް ޑރ. މުހައްމަދު މުއިއްޒު މިއަދު ވަނީ ބޭންކުގެ އޮފީސް ބައްލަވާ ލައްވާފަ އެވެ.
ޑިވްލޮޕްމަންޓް ބޭންކް އިފްތިތާހު ކުރަން އިސްލާމީ މަރުކަޒުގައި ބޭއްވި މި ރަސްމިއްޔާތުގައި އިކޮނޮމިކް މިނިސްޓަރު މުހައްމަދު ސައީދުގެ އިތުރުން އެމްޑީބީގެ ސީއީއޯ އާއި އެމްޑީ އަދި ބޯޑުގެ އިސްވެރިންގެ އިތުރުން ސަރުކާރުގެ އިސްވެރިން ބައިވެވި އެވެ.
ޑިވެލޮޕްމެންޓު ބޭންކުން ސަމާލުކަން ދޭން ފަސް ދާއިރާ
- ހަކަަތައާއި ކާބޯތަކެތީގެ ޔަގީންކަން އަދި އަގުތައް ހިފަހެއްޓުން
- ވަޒަންވެރިކަމާއި ބޯހިޔާވަހިކަން
- ތިމާވެށި ހިމާޔަތްކުރުން
- ޓޫރިޒަމް އަދި ވައިގެ ދަތުރުފަތުރުގެ ހިދުމަތް
- ކަނޑުގެ މަންފާއާއި ކަނޑާ ގުޅިފައިވާ އިގުތިސާދީ ހަރަކާތްތައް
- އިގުތިސާދީ ތަރައްގީގެ ޕްލޭނުގައި ހިމެނޭ ސިނާއަތްތަކަށް ފައިނޭންސް ހޯދުން
ޑިވެލޮޕްޕްމަންޓު ބޭންކުގެ ސީއީއޯގެ މަގާމަށް އައްޔަންކުރީ އިނގިރޭސިވިލާތުގެ ރައްޔިތެއް ކަމަށްވާ ނޮއެލް ގްރެގާ ޕެޓަސަން ޖޯންސް އެވެ. ޗެއާޕާސަންގެ މަގާމަށް އައްޔަންކުރީ ސިންގަޕޫރުގެ ރައްޔިތެއް ކަމަށްވާ އަރުނީ ގުނެތިލަކަ އެވެ. މި ދެބޭފުޅުންނަކީވެސް ދުނިޔޭގެ މާލީ އިދާރާތަކުގެ އިސް މަގާމު ތަކެއް ފުރުއްވާފައިވާ ބޭފުޅުންނެވެ. މީގެ އިތުރުން ބޯޑުގައި ހިމެނިވަޑައިގަންނަވަނީ އަހްމަދު އަލީ - މއ. ވޭސައިޑް 805 ފްލެޓް އާއި ސިންގަޕޫރުގެ ސައީދު އަބްދުއްނާސިރު ބިން ސައީދު ހަސަން އަލް ޖުނެއިދު އާއި އިނިގިރޭސިވިލާތުގެ ރޮބަޓް ޑުނިއެލް ކާންޓް އެވެ.
މި ރަސްމިއްޔާތުގައި ޑިވެލޮޕްޕްމަންޓު ބޭންކުގެ ސީއީއޯގެ ނޮއެލް ގްރެގާ ޕެޓަސަން ޖޯންސް ވިދާޅުވީ ރާއްޖެއަށް ފައިދާހުރި ގިނަ ކަންތައްތަކެއް ހިމެނޭކަމުގެ ޔަގީންކަން ދެއްވާފަ އެވެ. އަދި މި ބޭންކުގެ ސަބަބުން ރާއްޖޭގެ އިގްތިސޯދަށް ބޮޑު ބަދަލެއް އަންނާނެ ކަމަށް އޭނާ ވިދާޅުވި އެވެ.
އޭނާ ވިދާޅުވީ މި ބޭންކް ވެގެންދާނީ ހަމައެކަނި ބޮޑެތި ވިޔަފާރިތަކަށް އެހީތެރިވާނެ ބޭންކްއެއް ނޫން ކަމަށާ ބޭންކް ވެގެންދާނީ މެދުފަންތީގެ ވިޔަފާރިތަކަށްވެސް އެހީތެރިކަން ދޭނެ ބޭންކް އަށެވެ. މީގެ އިތުރުން މި ބޭންކް ކުރިއަށްދާނީ ބޭރުގެ ފައިނޭންޝަލް އިންސްޓިއުޓްތަކާ ގުޅިގެންނެވެ.
ކޮމެންޓް
Republic of Maldives