ތިން ކޮމިޝަނެއްގެ ބައެއް މެންބަރުން ވަކިކުރަނީ
ސިޓީގައިވާ ގޮތުން، ކޮމިޝަންތަކުގެ ގާނޫނާއި ގަވާއިދުތަކާ ހިލާފުވެގެން މަގާމުން ވަކިކުރަން ނިންމާފައި ވަނީ ސީއެސްސީގެ ރައީސް މުހައްމަދު ނާސިހާއި އޭސީސީގެ ނައިބް ރައީސް އަބްދުއްސަލާމް އަދި މެންބަރު ތޯހާ މުހައްމަދެވެ.
ތިން ކޮމިޝަނެއްގައި ތިބި ބައެއް މެންބަރުން ވަކިކުރުމުގެ މައްސަލަ ދިރާސާ ކުރުމަށް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމެޓީއަށް މިއަދު ފޮނުވައިފި އެވެ.
މިނިވަން މުއައްސަސާތަކުގެ ކޮމެޓީން މީގެ ކުރިން ވަނީ އިލެކްޝަން ކޮމިޝަނާއި އެންޓި ކޮރަޕްޝަން ކޮމިޝަން (އޭސީސީ) އަދި ސިވިލް ސާވިސް ކޮމިޝަން (ސީއެސްސީ)ގެ ބައެއް މެންބަރުން ގާނޫނާ ހިލާފުވެފައިވާ ކަމަށް ކަނޑައަޅައި، އެ މެންބަރުން މަގާމުން ވަކިކުރަން ފެންނަ ކަމަށް ނިންމާފަ އެވެ.
އެހެންވެ، އެކަން މަޖިލީހުގެ ތަޅުމަށް އިއްވައިދިނުމަށް ކޮމެޓީގެ މުގައްރިރު، މާފުށި ދާއިރާގެ މެންބަރު ހުސެއިން ރިޒާ އާދަމް ވަނީ ވަކިވަކިން ތިން ސިޓީއެއް މަޖިލީހުގެ ރައީސަށް ފޮނުއްވާފަ އެވެ. އެ ސިޓީއަށް މިއަދުގެ ޖަލްސާގައި ވަނީ އިއްވާފަ އެވެ.
ސިޓީގައިވާ ގޮތުން، ކޮމިޝަންތަކުގެ ގާނޫނާއި ގަވާއިދުތަކާ ހިލާފުވެގެން މަގާމުން ވަކިކުރަން ނިންމާފައި ވަނީ ސީއެސްސީގެ ރައީސް މުހައްމަދު ނާސިހާއި އޭސީސީގެ ނައިބް ރައީސް އަބްދުއްސަލާމް އަދި މެންބަރު ތޯހާ މުހައްމަދެވެ.
އީސީން ވަކިކުރަން ފެންނަ ކަމަށް ކޮމެޓީން ނިންމާފައި ވަނީ ކޮމިޝަންގެ ނައިބް ރައީސް އަލީ ނަޝާތާއި މެންބަރު މުހައްމަދު އާސިފް އަދި މެންބަރު ޑރ. މުހައްމަދު ޒާހިރެވެ.
މަޖިލީހުގެ ރިޔާސަތުން ވަނީ މި ތިން މައްސަލަ ދިރާސާ ކުރުމަށް މިނިވަން މުއައްސަސާތަކުގެ ކޮމެޓީއަށް ފޮނުވާފަ އެވެ.
ކޮމެންޓް
Republic of Maldives