ސައުދީ ފަންޑާއެކު ގުޅުން ބަދަހި ކުރެވޭނެ އާ ގޮތްތަކާ ގުޅޭ ގޮތުން މަޝްވަރާ ކުރައްވައިފި
ސައުދީ އަރަބިއްޔާގެ ރިޔާދުގައި ކުރިއަށްދިޔަ ޖޮއިންޓް އަރަބް-އިސްލާމިކް އެކްސްޓްރާއޯޑިނަރީ ސަމިޓުގެ ހަވާސާގައި، ރައީސް އިއްޔެ ވަނީ ސައުދީ ފަންޑް ފޯ ޑިވެލޮޕްމަންޓްގެ ސީއީއޯ، ސުލްތާން ބިން އަބްދުއްރަޙްމާން އަލް މަރްޝަދާ ބައްދަލުކުރައްވާފައެވެ.
ރާއްޖެ އާއި ސައުދީ ފަންޑް ފޯ ޑިވެލޮޕްމަންޓް އެކުގައި މަސައްކަތްކުރެވިދާނެ ދާއިރާތަކާއި ދެފަރާތުގެ ދެމެދުގައި ގުޅުން ބަދަހިކުރެވޭނޭ އާ ގޮތްތައް ހޯދުމާ ގުޅޭ ގޮތުން ރައީސް ޑރ. މުހައްމަދު މުއިއްޒު މަޝްވަރާ ކުރައްވައިފި އެވެ.
ސައުދީ އަރަބިއްޔާގެ ރިޔާދުގައި ކުރިއަށްދިޔަ ޖޮއިންޓް އަރަބް-އިސްލާމިކް އެކްސްޓްރާއޯޑިނަރީ ސަމިޓުގެ ހަވާސާގައި، ރައީސް އިއްޔެ ވަނީ ސައުދީ ފަންޑް ފޯ ޑިވެލޮޕްމަންޓްގެ ސީއީއޯ، ސުލްތާން ބިން އަބްދުއްރަޙްމާން އަލް މަރްޝަދާ ބައްދަލުކުރައްވާފަ އެވެ. މި މަޝްވަރާތައް ކުރިއަށް ގެންގޮސްފައި ވަނީ މި ބައްދަލުވުމުގަ އެވެ.
ސައުދީ ފަންޑުގެ އެހީގައި މިވަގުތު ރާއްޖޭގައި ކުރިއަށްގެންދާ މުހިންމު މަޝްރޫއުތައް ކުރިއަށްދާ ގޮތް މި ބައްދަލުވުމުގައި މުރާޖައާ ކުރައްވާފައިވެ އެވެ. މީގެ ތެރޭގައި، ވެލާނާ އިންޓަނޭޝަނަލް ވައިގެބަނދަރު ތަރައްގީކުރުމާއި، އެނޫންވެސް ބިނާރާއި މަސްވެރިކަމާ ގުޅޭ މަޝްރޫއުތައް ހިމެނެ އެވެ.
ރައީސް އޮފީހުން ބުނީ މި މަޝްރޫއޫތައް ވަގުތަށް ނިންމުމުގެ އަޒުމުގައި ސާބިތުވެ ތިއްބެވިކަން ފާޅުކުރައްވައި، ނަތީޖާ ނެރެވޭފަދަ ތަރައްގީގެ މަސައްކަތްތަކަށް ދެފަރާތުން ވެސް އިހްލާސްތެރިކަމާއެކު ދޭ އަހަންމިއްޔަތުކަން ދެ ބޭފުޅުން ވެސް ފާހަގަކުރައްވާފައިވާ ކަމަށެވެ.
ދެ ބޭފުޅުންގެ ބައްދަލުކުރެއްވުން ނިންމަވާލައްވާފައި ވަނީ، ރާއްޖެ އާއި ސައުދީ ފަންޑް ފޯ ޑިވެލޮޕްމަންޓުން ހިއްސާކުރާ އިގްތިސޯދީ އަދި ތަރައްގީގެ ލަނޑުދަނޑިތައް ހާސިލުކުރުމަށްޓަކައި، ދެފަރާތުގެ ގުޅުން ހަރުދަނާކުރުމަށާއި، ފުޅާ ދާއިރާއެއްގައި އެއްބާރުލުންދިނުމުގައި ސާބިތުވެ ތިއްބެވުމަށް އެއްބަސްވެ ވަޑައިގަންނަވަމުންނެވެ.
ކޮމެންޓް
Republic of Maldives