މަދަނީ އަދުލުގެ ނިޒާމު އިސްލާހުކުރުމުގެ މަސައްކަތް ފަށަނީ
އެގޮތުން މައްސަލަތައް ލަސްވުމާއި، ކޯޓުތަކުގެ ހުކުމްތައް ތަންފީޒުނުކުރެވުމުގެ ސަބަބުން، މަދަނީ އަދުލުގެ މުޅި ނިޒާމަށް މިއިން ޒަމާނަކު ކުރިމަތިނުވާ ވަރުގެ ދަތިތައް ކުރިމަތިވެފައިވާކަމަށް ކޮމިޝަނުން ބުނެފައިވެ އެވެ.
މަދަނީ އިޖުރާއާތުގެ ގާނޫނު ތަސްދީގުކޮށް ތަންފީޒުކުރަން ފެށުމާއެކު މަދަނީ މައްސަލަތައް މަޑުޖެހި ތޮއްޖެހިފައި ހުންނަ މިންވަރު ވަރަށް ބޮޑަށް އިތުރުވެފައިވާތީ އެ މައްސަލަ ހައްލުކުރުމުގެ މަސައްކަތް ކުރުމަށް ޖުޑީޝަލް ސާވިސް ކޮމިޝަން (ޖޭއެސްސީ)އިން ނިންމައިފި އެވެ.
އިއްޔެ ޖޭއެސްސީން ނެރުނު ބަޔާނެއްގައި އެ ކޮމިޝަނުން ބުނެފައިވަނީ 2021 ވަނަ އަހަރު މަދަނީ އިޖުރާއާތުގެ ގާނޫނު ތަސްދީގުކޮށް ސަރުކާރުގެ ގެޒެޓުގައި ޝާއިއުކޮށް، އޭގެ ހަ މަސް ފަހުން އެ ގާނޫނަށް އަމަލުކުރަން ފެށުމާއެކު، މަދަނީ މައްސަލަތައް ހިންގުމަށް ވަރަށް ބޮޑެތި ދަތިތައް ކުރިމަތިވި ކަމަށެވެ.
އެގޮތުން މައްސަލަތައް ލަސްވުމާއި، ކޯޓުތަކުގެ ހުކުމްތައް ތަންފީޒުނުކުރެވުމުގެ ސަބަބުން، މަދަނީ އަދުލުގެ މުޅި ނިޒާމަށް މިއިން ޒަމާނަކު ކުރިމަތިނުވާ ވަރުގެ ދަތިތައް ކުރިމަތިވެފައިވާކަމަށް ކޮމިޝަނުން ބުނެފައިވެ އެވެ.
އަދި އެކަމުގެ ސަބަބުން ބޭންކުތަކާއި ވިޔަފާރި މުއައްސަސާތަކާއި އާންމު ވިޔަފާރިތައް ހުއްޓެމުންދާކަން ފާހަގަކޮށް ޖޭއެސްސީން ބުނީ އެ މައްސަލަތަކަށް ހައްލެއް ހޯދެން އޮތީ މިހާރުން މިހާރަށް މަދަނީ އިޖުރާއާތުގެ ގާނޫނު އިސްލާހުކޮށްގެން ކަމަށް ދެކޭ ކަމަށެވެ.
އެހެންކަމުން އެ ކޮމިޝަނުން ނިންމާފައިވަނީ ކޮމިޝަނުގެ އިސްނެގުމަށް ރާއްޖޭގެ ގާނޫނުއަސާސީއާއި ބައިނަލްއަގުވާމީ އެންމެ ރަނގަޅު މިންގަނޑުތަކަށް ފެތޭ ގޮތަށް، އެ ގާނޫނަށް ގެންނަންޖެހޭ އިސްލާހުތައް އެކުލަވައިލުމަށްފަހު ބަންޑާރަނައިބުގެ އޮފީހަށް ފޮނުވައި، އެ އޮފީސް މެދުވެރިކޮށް މަޖިލީހަށް ފޮނުވުމަށެވެ.
މަދަނީ އިޖުރާއާތުގެ ގާނޫނަށް ގެންނަން ގަސްތުކުރާ އިސްލާހުތަކުގެ އެއްވެސް ތަފުސީލެއް ކޮމިޝަނުގެ ބަޔާނުގައި ހިމަނާފައިނުވެ އެވެ.
ކޮމެންޓް
Republic of Maldives