ގާޒީއަކު ކުރީގެ އަނބިމީހާއަށް ވަރަށް ބޮޑަށް އަނިޔާކުރި މައްސަލަައެއް ބަލަނީ
ކުރީގެ އަންހެނުންނަށް ވަރަށް ބޮޑަށް އަނިޔާކުރިކަމުގެ ތުހުމަތުވަނީ ލ.ގަމު މެޖިސްޓްރޭޓު ކޯޓުގެ ގާޒީއަކަށް ކަމަށް މުއުތަބަރު ގޮތެއްގައި ""މިރާ""އަށް މައުލޫމާތު ލިބިފައިވެ އެވެ.
ދެކުނުގެ ރަށެއްގެ ގާޒީއަކު އޭނާގެ އަނބިމީހާއަށް އަނިޔާކުރި މައްސަލައެއް ދިވެހި ފުލުހުންގެ ހިދުމަތުން ބަލަން ފަށައިފި އެވެ.
"މިރާ"އަށް މުއުތަބަރު ގޮތެއްގައި މައުލޫމާތު ލިބިފައިވާ ގޮތުން މި މައްސަލާގައި ހިމެނެނީ ލ.އަތޮޅު ގަމު ކޯޓުގެ މެޖިސްޓްރޭޓެކެވެ. އަދި އޭނާގެ ކުރީގެ އަންހެނުންނަށް ވަރަށް ބޮޑަށް އަނިޔާކޮށްފައިވާ ކަމަށްވެސް މައުލޫމާތު ލިބިފައިވެ އެވެ.
މި މައްސަލައާ ގުޅިގެން ""މިރާ""އިން ކުރި ސުވާލަކަށް ޖަވާބުދެމުން ފުލުހުން ބުނެފައިވަނީ ލ.ގަމުގައި 39 އަހަރުގެ އަންހެނަކަށް އޭނާގެ ކުރީގެ ފިރިމީހާ އަނިޔާކޮށް މާރާމާރީ ހިންގި މައްސަލައެއް މިއަދު ހަވީރުގެ ވަގުތެއްގައި ފުލުހަށް ރިޕޯޓުކޮށްފައިވާ ކަމަށެވެ.
މައްސަލައިގެ އިތުރު ތަފުސީލެއް ހާމަނުކުރައްވައި ފުލުހުންގެ މީޑިޔާ އޮފިޝަލު ވިދާޅުވީ އެ މައްސަލަ ފުލުހުންގެ ހިދުމަތުން ތަހުގީގު ކުރަމުންދާ ކަމަށެވެ.
ރާއްޖޭގައި ގެވެށި އަނިޔާގެ މައްސަލަތައް ގިނަވެ އާންމުވެފައިވާތީ އިދާރާތަކުން އަބަދުވެސް ކަންބޮޑުވުން ފާޅުކުރެ އެވެ.
ކޮމެންޓް
Republic of Maldives