ސީ ޓު އެއާ ކާގޯ | އިންޑިއާއިން ކަނޑުގެ މަގުން ގެންނަ މުދާ ރާއްޖޭން ޔޫރަޕަށް
ސީ ޓު އެއާގެ ގޮތުގައި އިންޑިއާއިން އައި މުދާ ފޮނުވާފައިވަނީ ޖަރުމަނުވިލާތަށެވެ.
އިންޑިއާގެ ޕޯޓްތަކުން ރާއްޖެއަށް ކަނޑުގެ މަގުން މުދާ ގެނެސް، ވީއައިއޭ މެދުވެރިކޮށް ބޭރު ކުރުމުގެ މަސައްކަތް ފަށައިފި އެވެ.
ސީ ޓު އެއާގެ ނަމުގައި ރާއްޖޭގައި މިހާރު ފަށާފައިވާ މި ވިޔަފާރީގެ ދަށުން މިހާތަނަށް ރާއްޖެއިން އެކްސްޕޯޓް ކުރަމުން ގޮސްފައިވަނީ ބަންގާޅު މަގުން ގެންނަ މުދަލެވެ. އެ ގައުމުގައި އުފައްދާ މުދާ ޔޫރަޕަށް އެކްސްޕޯޓް ކުރާ ފެކްޓްރީތަކުންނެވެ. މިހާރު މި ވިޔަފާރި ފުޅާވެ އިންޑިއާގެ ޕޯޓްތަކުން ވެސް މުދާ އެކްސްޕޯޓް ކުރުން ވަނީ ފަށާފަ އެވެ.
މި ވިޔަފާރި ފުޅާކޮށް އިންޑިއާ މަގުން ރާއްޖެ އަށް ކަނޑުމަގުން ގެނައި ޝިޕްމަންޓް ފުރަތަމަ ފަހަރަށް ޔޫރަޕަށް ވަނީ ބޭރުކޮށްފަ އެވެ. ކޮންޑޯ އެއާލައިން މެދުވެރިކޮށް މެދުވެރިކޮށް ބޭރުކުރި މި ޝިޕްމެންޓު ފޮނުވާފައިވަނީ ޖަރުމަންވިލާތަށެވެ.
ސީ ޓު އެއާ ކާގޯ ހިނގާ ގޮތް
މި ވިޔަފާރި ރާއްޖޭގައި މިހާތަނަށް ކުރީ ވަރަށް ކުޑަކޮށެވެ. ސަބަބަކީ މި ވިޔަފާރި ކުރަން ސަރުކާރުގެ ގިނަ ކުންފުނިތަކާއި ވުޒާރާތައް ގުޅިގެން މަސައްކަތް ކުރަން ޖެހުނުނަމަވެސް އެކަން ނުވެ އޮތުމެވެ. މި ވިޔަފާރި ފަށަން ވާހަކަ ދެއްކިނަމަވެސް މިކަން ނުފެށި އޮއްވައި މިކަން ފަށާފައިވަނީ މި ސަރުކާރު އައިފަހުންނެވެ. މި ވިޔަފާރި ހިނގާ ގޮތަކީ ރާއްޖެ އަށް ކަނޑުމަގުން މުދާ އައުމުން ކޮންޓެއިނާ ހުރި ގޮތަށް ނުވަތަ އޭގައި ހުރި މުދާ ވަކިކޮށްގެން އެމްޕީއެލްގެ އެހީތެރިކަމާއެކު ވީއައިއޭ އަށް ގެންގޮސް އޭގެ މަންޒިލަށް ފޮނުވުމެވެ. މި މަސައްކަތުގައި ކަސްޓަމަސް އާއި އިމިގްރޭޝަން އަދި އެމްއޭސީއެލް އެއްކޮށް މަސައްކަތް ކުރެ އެވެ. ކަނޑުމަގުން ރާއްޖެ ގެންނަނީ ދުނިޔޭގެ ބޮޑެތި ފެކްޓްރީތަކުގެ މުދާ ޔޫރަޕަށް ގެންދަން ހުންނަ މުދަލެވެ. މި މުދަލަކީ ކަނޑުމަގުން ގެންދިއުން ލަސްވުމުގެ ސަބަބުން ލަސްވާ މުދަލެވެ.
ކޮމެންޓް
Republic of Maldives