އަފްޣާން މަންދޫބާ ބައްދަލު ކުރުމުން ތޯހާ ރާއްޖެ ގެނެސް މަގާމުން ވަކިކުރަނީ
އެނގިފައިވާ ގޮތުގައި ސަރުކާރުން އެންގީ ވަގުތުން ފުރައިގެން ރާއްޖެ އައުމަށެވެ. ތޯހާ މިހާރު ދަނީ ރާއްޖެ އައުމަށް ދަތުރު ކުރަމުން ކަމަށް ވެ އެވެ.
ދިވެހިރާއްޖެ އިން ޕާކިސްތާނަށް ކަނޑައަޅާފައި ހުންނަވާ ސަފީރު، އަފްޣާނިސްތާނުގެ ފަރާތުން ޕާކިސްތާނު ގައި ހުންނަވާ މަންދޫބާ ބައްދަލުކޮށް ރަސްމީ މަޝްވަރާތައް ހިންގި މައްސަލާ ގައި އޭނާ ރާއްޖެ ގެނެސް މަގާމުން ވަކިކުރުމުގެ މަސައްކަތް ސަރުކާރުން ފަށައިފި އެވެ.
ތާލިބާނުންގެ ވެރިކަން އޮތް އަފްޣާންގެ މަންދޫބާ ތޯހާ ބައްދަލު ކުރެއްވުމާއި ގުޅިގެން ފޮރިން މިނިސްޓްރީން އިއްޔެ ނެރުނު ބަޔާނެއް ގައި ބުނެފައި ވަނީ އެ ބައްދަލުވުމަކީ ދިވެހި ސަރުކާރުގެ ހުއްދައާއެކު ކުރިއަށް ގެންގޮސްފައިވާ ބައްދަލުވުމެއް ނޫން ކަމަށެވެ. އަދި މި ކަމާއި ގުޅިގެން ދިވެހި ސަރުކާރުގެ ފަރާތުން އަޅަންޖެހޭ ފިޔަވަޅު ވަނީ އަޅާފައި ކަމަށް ބުންޏެވެ.
ނަމަވެސް އެޅި ފިޔަވަޅެއް އަދި ތަފްސީލެއް ނުދެ އެވެ. އެނގިފައިވާ ގޮތުގައި ސަރުކާރުން އެންގީ ވަގުތުން ފުރައިގެން ރާއްޖެ އައުމަށެވެ. ތޯހާ މިހާރު ދަނީ ރާއްޖެ އައުމަށް ދަތުރު ކުރަމުން ކަމަށް ވެ އެވެ. އަދި އޭނާ ސަފީރު ކަމުން ވަކި ކުރުމުގެ މަސައްކަތް ވަނީ ފަށާފަ އެވެ.
ފޮރިން މިނިސްޓްރީން އިއްޔެ ބުނީ ރާއްޖޭން ގައުމުތަކުގެ ސަރުކާރުތައް ބަލައިގަތުމުގައި ސުވާލެއް އުފެދޭ ހާލަތެއްގައި އަބަދުވެސް ބަލަނީ އދ އިން ކަނޑައަޅާފައިވާ މިންގަޑުތަކާއި އުސޫލުތަކަށް ކަމަށާ އަދި މި އުސޫލުތަކާއި އެއްގޮތްވާ ގޮތުގެ މަތީން، އދ ގައި އަފްޣާނިސްތާނު ތަމްސީލުކުރާ ފަރާތަކީ އަފްޣާނިސްތާނުގެ ސަރުކާރުގެ ގޮތުގައި ދިވެހި ސަރުކާރުން ބަލައިގަންނަ ފަރާތް ކަމަށެވެ.
ދިވެހިރާއްޖެ އިން ޕާކިސްތާނަށް ކަނޑައަޅާފައި ހުންނެވި ސަފީރު، ތޯހާ އަކީ ރައީސް މުއިއްޒުގެ އާއިލީ ބޭފުޅެކެވެ. ޕީއެންސީގެ މަޖިލީސް ޕްރައިމަރީ ގައި ވެސް ވާދަކުރެއްވި ތޯހާ އެންމެ ފުރަތަމަ ހަމަޖެއްސެވީ ސައުދިއަރަބިއްޔާއަށް ކަނޑައަޅާ ސަފީރަކަށެވެ. މަޖިލީހުން ރުހުން ވެސް ދިނެވެ.
ނަމަވެސް ކުއްލި ގޮތަކަށް އެ ނިންމުން ބަދަލުކޮށް ޕާކިސްތާނަށް ފޮނުވަން ހަމަޖެއްސެވީ އެވެ. ރައީސްގެ އެ ނިންމެވުމަކީ ސައުދީގެ އެންގެވުމަށް ނިންމެވި ނިންމެވުމެއް ކަމަށް ވެ އެވެ.
ކޮމެންޓް
Republic of Maldives