ދެވަނަ ބުރުގައި އައިވީއެފް ހަދަން 215 ހުށަހެޅުން، ޝަރުތު ހަމަވީ 63 ދެމަފިރިން
އެންސްޕާއިން ވަނީ ފަރުވާއަށް އެދި ކުރިމަތިލި ފަރާތްތަކުގެ ލިސްޓު އާންމުކޮށްފަ އެވެ. މި ލިސްޓާމެދު ޝަކުވާއެއް އޮތްނަމަ މިމަހުގެ 10 ވަނަ ދުވަހުގެ 2:00 ގެ ކުރިން ޝަކުވާ ހުށަހަޅަން ވެސް ވަނީ ހުޅުވާލައިފަ އެވެ.
ދަރިމައިވުމާ ގުޅޭ ދެ ފަރުވާ ކަމަށްވާ އައިޔޫއައި އަދި އައީވީއެފްގެ ހިދުމަތް އާސަންދަ ސްކީމްގެ ދަށުން ހޯދަން ހުޅުވާލި ދެވަނަ ބުރުގައި ޝަރުތު ހަމަވާ 63 ދެމަފިރިން ކަނޑައަޅައިފި އެވެ.
ސަރުކާރުން ވަނީ މިއަހަރު 100 ދެމަފިރިންނަށް އާސަންދައިގެ ދަށުން މި ދެ ފަރުވާ ދިނުމަށް ނިންމާފަ އެވެ. ދެވަނަ ބުރުގައި ހުޅުވައިލި ފުރުސަތުގައި 215 ދެމަފިރިން ވަނީ ފޯމު ހުށަހަޅާފަ އެވެ.
އެންސްޕާއިން ނެރުނު އިއުލާނެއްގައި ބުނެފައި ވަނީ، މިއަހަރުގެ ދެވަނަ ބުރުގައި ހުޅުވާލި ފުރުސަތުގައި ކުރިމަތިލި ފަރާތްތަކުގެ ތެރެއިން ޝަރުތު ހަމަވި 63 ދެމަފިރިންނަށް މިމަހުގެ 30 ވަނަ ދުވަހުގެ ކުރިން ފަރުވާ ކުރިއަށް ދާނެ ގޮތުގެ ޕްލޭން ހިއްސާ ކުރުމާ ގުޅޭގޮތުން އެ އެޖެންސީން މައުލޫމާތު ފޯރުކޮށްދޭނެ ކަމަށެވެ.
އެންސްޕާއިން ވަނީ ފަރުވާއަށް އެދި ކުރިމަތިލި ފަރާތްތަކުގެ ލިސްޓު އާންމުކޮށްފަ އެވެ. މި ލިސްޓާމެދު ޝަކުވާއެއް އޮތްނަމަ މިމަހުގެ 10 ވަނަ ދުވަހުގެ 2:00 ގެ ކުރިން ޝަކުވާ ހުށަހަޅަން ވެސް ވަނީ ހުޅުވާލައިފަ އެވެ. މި ލިސްޓަށް ބަދަލެއް ގެންނަން ޖެހިއްޖެނަމަ، ލިސްޓު މުރާޖައާ ކުރުމަށްފަހު މިމަހުގެ 15 ވަނަ ދުވަހު އަލުން އާންމު ކުރާނެ ކަމަށް ވެސް އެންސްޕާއިން ބުންޏެވެ.
މިއަހަރު 100 ފަރާތަކަށް މި ފުރުސަތު ދޭން ނިންމާފައިވާއިރު، އެހީ ހަމަނުޖެހޭ މީހުން އަންނަ އަހަރު ހުޅުވާލުމުން އެހީއަށް އެދުމުގެ ފުރުސަތު އަލުން އޮންނާނެ އެވެ. އަލަށް ހުޅުވާލި ފުރަތަމަ ބުރުގައި 153 ދެމަފިރިން ފޯމު ހުށަހަޅާފައިވާއިރު، ޝަރުތު ހަމަވާ ކަމަށް ކަނޑައަޅާފައި ވަނީ 37 ދެމަފިރިންނެވެ. މި ދެބުރު އެއްކޮށްލުމުން މި އަހަރު އައިވީއެފް ހަދަން ކަނޑައަޅާފައިވާ އަދަދު ހަމަވީ އެވެ.
އާސަންދައިގެ ދަށުން އައިވީއެފްގެ ހިދުމަތް ފޯރުކޮށްދިނުމަކީ ރައީސް ޑރ. މުހައްމަދު މުއިއްޒުގެ ވެރިކަމުގެ ފުރަތަމަ 100 ދުވަހުގެ ވައުފުޅެކެވެ.
ކޮމެންޓް
Republic of Maldives