ބުޅަލަށް ހާއްސަ ކުރި "އޮޅު ހިޔާ" ރައީސް ހުޅުވައި ދެއްވައިފި
"އޮޅު ހިޔާ" އަކީ މާލޭގެ މަގުތަކުގައި ގިނަވަމުންދާ ބުޅަލުގެ މައްސަލައަށް ދާއިމީ ހައްލެއް ހޯދުމުގެ ގޮތުން ޒަމާނީ ފެންވަރަށް ތަރައްގީ ކޮށްފައިވާ ފެސިލިޓީ އެކެވެ.
ބުޅާ ބެލެހެއްޓުމަށް ހާއްސަކޮށްގެން ހެދި "އޮޅު ހިޔާ" ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ހުޅުއްވައި ދެއްވައިފި އެވެ.
މިއީ މި ސަރުކާރުގެ ހަފްތާ 14ގެ ވައުދުތަކުގައި ހިމެނޭ މަސައްކަތެކެވެ. އެ ތަން ހުޅުވައި ދެއްވުމަށް ފަހު ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ މި މަސައްކަތަކީ އެމަނިކުފާނު މާލޭ ސިޓީގެ މޭޔަރު ކަމުގައި ހުންނެވި ދުވަސްވަރުން ފެށިގެން ހިންގެވުމަށް މަސައްކަތްޕުޅު ކުރެއްވި މަސައްކަތެއް ކަމަށް ވިދާޅުވި އެވެ.
އެހެން ނަމަވެސް އޭރުގެ ސަރުކާރުން އެއްބާރުލުން ނުދެއްވުމުން އެ މަސައްކަތް ކުރިއަށް ނުގެންދެވުނީ ކަމުގައި ވިދާޅުވި އެވެ.
ރައީސް ވިދާޅުވީ މި މަސައްކަތަށް ހާއްސަ ސަމާލުކަމެއް ދެއްވުމަށާއި ރާއްޖޭގައި މިފަދަ ދިރޭތަކެތި ރައްކާތެރި ގޮތެއްގައި ބެލެހެއްޓުމަށް ރާއްޖޭގައި ފުރަތަމަ ފަހަރަށް މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއާ ނަމުގައި މިނިސްޓްރީއެއް ގާއިމުކުރައްވާ މި ފެސިލިޓީ ގާއިމުކުރުމަށް ބިން ހަމަޖައްސަވައި ހުރިހާ ވަސީލަތްތަކެއް މަގުފަހިކޮށްދެއްވައި މި މަސައްކަތް ކުރިއަށްގެންދިއުމަށް މާލެ ސިޓީ ކައުންސިލާ ހަވާލު ކުރެއްވި ކަމަށެވެ.
އެމަނިކުފާނު ވަނީ މި ސަރުކާރުން ލާމަރުކަޒީ ނިޒާމުގެ ތެރެއިން ކަންތައްތައް ކުރެއްވުމަށް އިސްކަންދެއްވާކަން ފާހަގަ ކުރައްވާފައެ ވެ. އެގޮތުން ކައުންސިލްތަކާ ބައްދަލު ކުރައްވައި އެކައުންސިލްތަކުން ބޭނުންވާ ކަންކަން ފަހިކޮށްދެއްވުމަށް މަސައްކަތް ކުރައްވާނެ ކަމުގައި އެމަނިކުފާނު ވިދާޅުވި އެވެ.
"ލާމަރުކަޒީ ނިޒާމުގެ ތެރެއިން ރައްޔިތުންނާ ގާތުން މަސައްކަތްކުރުމުގައި އެންމެ ބޮޑަށް އެންމެ އިސްކަމެއް ދީގެން އަޅުގަނޑުމެން މަސައްކަތްކުރަމުންދާކަން އެއީ ފެންނަން އޮތް ހަގީގަތް،"
ރައީސުލްޖުމްހޫރިއްޔާ ވަނީ ޕެޓް ކެއާ ފެސިލިޓީ، "އޮޅު ހިޔާ" ހުޅުއްވައިދެއްވައި އެތަން ބައްލަވާލައްވާފަ އެވެ.
"އޮޅު ހިޔާ" އަކީ މާލޭގެ މަގުތަކުގައި ގިނަވަމުންދާ ބުޅަލުގެ މައްސަލައަށް ދާއިމީ ހައްލެއް ހޯދުމުގެ ގޮތުން ޒަމާނީ ފެންވަރަށް ތަރައްގީ ކޮށްފައިވާ ފެސިލިޓީ އެކެވެ. އަދި މި މަސައްކަތުގެ މަގްސަދު ތަކުގެ ތެރޭގައި ރާއްޖޭގައި ޕެޓްކެއާގެ ހަރުދަނާ ގަވާއިދުތަކަކާއި އުސޫލުތަކެއް ތަންފީޒު ކުރުން ހިމެނެ އެވެ.
ކޮމެންޓް
Republic of Maldives