އާސަންދަ ހިދުމަތަށް ބަދަލެއް | އަމިއްލަ އިންޝުއަރެންސްއަށް އިސްކަންދޭން ފަށައިފި
އާސަންދައިން ނެރުނު ބަޔާނެއްގައި ބުނީ އެކެއް ނޮވެންބަރުން ފެށިގެން އައުޓްޕޭޝަންޓު ހިދުމަތްތައް ދިނުމުގައި ހިދުމަތް ހޯދާ މީހާގެ އަމިއްލަ އިންޝުއަރެންސެއް އޮތްނަމަ އިސްކަންދޭނީ އެ އިންޝުއަރެއެންސަށް ކަމަށެވެ.
އާސަންދައިން ފޯރުކޮށްދޭ ހިދުމަތްތަކުގެ ތެރެއިން އެނދުމަތިކޮށްގެން ދޭ ފަރުވާނޫން އެހެނިހެން ފަރުވާތައް ފޯރުކޮށްދިނުމުގައި އަމިއްލަ އިންޝުއަރެންސް އޮންނަ މީހުންނަށް ހިދުމަތް ދިނުމުގައި އިންޝުއަރެންސަށް އިސްކަންދޭން ފަށައިފި އެވެ.
މިކަމާ ގުޅިގެން މިއަދު އާސަންދައިން ނެރުނު ބަޔާނެއްގައި ބުނީ އެކެއް ނޮވެންބަރުން ފެށިގެން އައުޓްޕޭޝަންޓު ހިދުމަތްތައް ދިނުމުގައި ހިދުމަތް ހޯދާ މީހާގެ އަމިއްލަ އިންޝުއަރެންސެއް އޮތްނަމަ އިސްކަންދޭނީ އެ އިންޝުއަރެއެންސަށް ކަމަށެވެ.
އެގޮތުން ހިދުމަތް ހޯދާ މީހާގެ އަތުގައި އަމިއްލަ އިންޝުއަރެންސްއެއް އޮތްކަން ކަށަވަރުކުރުމަށްފަހު އިންޝުއަރެންސްގެ ކަވަރޭޖު މެދުވެރިކޮށް އެ ކަވަރޭޖުގެ ލިމިޓު ހަމަވަންދެން ހިދުމަތް ދިނުމަށް އާސަންދަ ހިދުމަތް ދޭ ތަންތަނަށް އަންގާފައިވެ އެވެ.
ބޭސް ސިޓީ ހިމެނޭހެން އެ ހިދުމަތަކީ އަމިއްލަ އިންޝުއަރެންސްއިން ކަވަރުކުރަ ހިދުމަތެއްނަމަ އެ ހިދުމަތް ދޭންޖެހޭނީ އެ އިންޝުއަރެންސް މެދުވެރިކޮށެވެ. ނަމަވެސް އަމިއްލަ އިންޝުއަރެންސްއިން ކަވަަރުނުކުރާ ހިދުމަތެއް އާސަންދައިން ކަވަރުކުރާނަމަ އެ ހިދުމަތެއް އާސަންދައިގެ ދަށުން ލިބޭނެ އެވެ.
އަދި އަމިއްލަ އިންޝުއަރޭންސްގެ ކަވަރޭޖުގެ ލިމިޓު ހަމަވެފައިވާ ހާލަތުގައި، އެ ހިދުމަތަކީ އާސަންދައިން ކަވަރުކުރާ ހިދުމަތެއްނަމަ އެ ހިދުމަތް އާސަންދަ މެދުވެރިކޮށް ލިބޭނެ އެވެ. އަދި އަމިއްލަ އިންޝުއަރެންސެއް އޮންނަ މީހެއްގެ ލިމިޓު ހަމަނުވާހާ ހިނަދަކު އޭނާއަށް ހިދުމަތް ފޯރުކޮށްދިނުމުގައިއ އާންސަންދަ ޕޯޓަލާއި ބޭސް ސިޓީ ލިޔުމަށް ވިނަވި ޕޯޓަލް ބޭނުންނުކުރަން އާސަންދައިން އަންގާފައިވެ އެވެ.
އަމިއްލަ އިންޝުއަރެންސްގެ ތެރޭގައި ދިވެހި ފުލުހުންގެ ހިދުމަތާއި ގައުމީ ދިފާއީ ބާރުގެ އިންޝުއަރެންސް ސްކީމުތައް ނުހިމެނޭނެ އެވެ. އަދި އެނދުމަތިކޮށްގެން ފޯރުކޮށްދޭ ހިދުމަތްތަކަށް މިހާރުވެސް އަމަލުކުރަމުންދާ އުސޫލުން އާސަންދައިން ކަވަރޭޖު ލިބޭނެ އެވެ.
ކޮމެންޓް
Republic of Maldives