ނަސްރުގެ ދުވަހާ ގުޅިގެން ގްރީންޒޯން ހިމެނޭ ސަރަހައްދުގެ އެއްގަމާއި ކަނޑުގެ ސަރަހއްދު ބަންދު ކުރަނީ

ނަސްރުގެ ދުވަހުގެ މުނާސަބަތުގައި ގްރީންޒޯން ހިމެނޭ، ރަސްމީ ފާލަން ސަރަހއްދުގެ އެއްގަމާއި ކަނދު ވަކި ގަޑިތަކެއްގައި ބަންދު ކުރުމަށް ނިންމައިިފިއެވެ.

އެގޮތުން މިއަދާއި، ނޮވެންބަރު 1،2 އަދި 3 އެ ހަތަރު ދުވަހު ރަސްމީ ފާލަން ސަރަހައްދުގެ ނެރާއި ފާލަންތައް އަދި ގްރީން ޒޯން ހިމެނޭ ސަރަހައްދު ހަވީރު 15:00 އިން ފެށިގެން 18:00 އަށް ބަންދުވާނެ ކަމަށް ފުލުހުން ވަނީ ބުނެފައެވެ. އަދި ނަސްރުގެ ދުވަސް ފާހަގަކުރުމުގެ ގޮތުން އިސްލާމީ މަރުކަޒުގައި ޖަމާއަތުގައި ކުރެވޭ ފަތިސް ނަމާދު، ޝަހީދުންގެ ބިނާގައި ދިދަ މައުންޓްކުރުން އަދި އަރޓް ގެލަރީގައި މައުރަޒު ހުޅުވުމަށްޓަކައި އެސަރަހައްދު އާންމު ޓްރެފިކަށް ބަންދުކުރާނެ ކަމަށްވެސް ފުލުހުން ބުންޏެވެ.

ފުލުހުން ބުނީ ނަސްރުގެ ދުވަސް ފާހަގަކުރުމަށް ބާއްވާ މިލިޓަރީ ޑިސްޕްލޭ އިވެންޓާ ގުޅިގެން ޖުމްހޫރީ މައިދާން ހިމެނޭ ގްރީން ޒޯން އާންމު ޓްރެފިކަށް ބަންދުކުރާނެ ކަމަށެވެ. އަދި ނަސްރުގެ ދުވަހުގެ ރަސްމީ ޖަލްސާ ބޭއްވުމަށް ހަމަޖެހިފައިވާ ދަރުބާރުގެ ހިމެނޭ ސަރަހައްދު އާންމު ޓްރެފިކަށް ބަންދުކުރާނެ ކަމަށްވެސް ފުލުހުން ބަނީ ބުނެފައެވެ.

މިއަހަރުގެ ނަސްރުގެ ދުވަުގެ ހަރަކާތްތަށް ބޭއްވުމަށް ކުރަންޖެހޭ މަސައްކަތްތަށް އެމްއެންޑީއެފާއި ފުލުހުން ދަނީ ކުރަމުންނެވެ.