އައިޖީއެމްއެޗުގެ ފާޓިލިޓި ސެންޓަރު ތަރައްގީކޮށް މިއަހަރު އައިވީއެފްގެ ހިދުމަތް ފެށޭނެ
މި ސެންޓަރު ގާއިމު ކުރެވުމުން އާސަންދައިގެ ދަށުން އެކަމަށް ކަނޑައަޅާ ކެޓެގަރީތަކުގެ މީހުންނަށް މި ހިދުމަތް ލިބޭނެއެވެ.
އައިޖީއެމްއެޗުގައި ގާއިމުކުރުމަށް ނިންމާފައިވާ ފާޓިލިޓީ ސެންޓަރުގެ މަސައްކަތް ނިންމައި، މިއަހަރުގެ ތެރޭގައި އައިވީއެފްގެ ހިދުމަތް ފެށޭނެ ކަމަށް މާލޭ ގުރޫފް އޮފް ހޮސްޕިޓަލްސްގެ ސީއީއޯ އިބްރާހީމް އަބްދުއްރައްޒާގު ހަލީމް ވިދާޅުވެއްޖެއެވެ.
ހަލީމް މިހެން ވިދާޅުވީ ޕީއެސްއެމްގެ ރާއްޖެ މިއަދު ޕްރޮގުރާމުގައި ވާހަކަ ދައްކަވަމުންނެވެ.
ހަލީމް ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅާއެއްގޮތަށް މިއަހަރު ތެޜޭގައި އައިޖީއެމްއެޗުގެ ފާޓިލިޓީ ސެންޓަރު ގާއިމުވެގެންދާނެ ކަމަށެވެ. އަދި އައިވީއެފްގެ ހިދުމަތްވެސް ފެށޭނެ ކަމަށް ވިދާޅުވިއެވެ.
ހަލީމް ވިދާޅުވީ ދަރުމަވަންތަ ހޮސްޕިޓަލުގައި ގާއިމުވެގެންދާ މި ސެންޓަރުގައި އައިވީއެފް އާއި އައިޔޫއައި ހެދޭނެ ފެންވަރަށް އިކުއިޕްމެންޓްތައް ގާއިމުވެގެންދާނެ ކަމަށެވެ. އަދި މިކަން ކުރާނީ އެކަމަށް ބޭނުންވާ އެކްސްޕާޓުންގެ އެހީތެރިކަމާއެކު ކަމަށްވެސް ވިދާޅުވިއެވެ.
"ފާޓިލިޓީ ސެންޓަރު އަޅުގަނޑު މި ބުނަނީ އޭގެ އެންމެ ފުރިހަމަ މާނައިގައި. މިހާރުވެސް އެ ހިދުމަތް ފެށުމަށްޓަކައި އަންހެނުންގެ ބަލިތަކަށް ހާއްސަ ޑޮކްޓަރުންގެ ޓީމެއް ވާނީ މިމަމުގެ ތަމްރީން ހަދާފައި. އެހިދުމަތް ފެށުމަށް ވަރަށް ބާރު ސްޕީޑްގައި މަސައްކަތް ކުރިއަށް އެބަދޭ." އޭނާ ވިދާޅުވިއެވެ.
މި ސެންޓަރު ގާއިމު ކުރެވުމުން އާސަންދައިގެ ދަށުން އެކަމަށް ކަނޑައަޅާ ކެޓެގަރީތަކުގެ މީހުންނަށް މި ހިދުމަތް ލިބޭނެއެވެ.
ދަރިމައިވުމުގެ މައްސަލަތަކަށް އާސަންދައިން ފަރުވާ ދިނުމަށް ނިންމާފައިވަނީވެސް މި ސަރުކާރުންނެވެ. އެގޮތުން ސަރުކާރުން މިކަމަށް ހާއްސަ އުސޫލުތަކެއް ވަނީ ކަނޑައަޅާފައެވެ.
ރާއްޖޭގައި އައިވީއެފް ހިދުމަތް މިހާރު ދެމުން އަންނަނީ ޓްރީޓޮޕުން އެކަންޏެވެ.
ކޮމެންޓް
Republic of Maldives