ފިހާރައަކުން ގަޑިތަކެއް ވަގަށް ނަގައި ބޮކްސާ ތެރޭގައި ފޮރުވި މީހަކު ހައްޔަރުކޮށްފި
ގަޑިތަކާ ގުޅޭ ގޮތުން ސުވާލު ކުރުމުން އެއި އޭނާ އެހެން މީހެއްގެ އަތުން ގަނެފައިވާ ގަޑިތަކެއް ކަމަށް ފުލުހުން ގާތު ބުނެފައިވެއެވެ.
ފިހާރައަކުން ގަޑިތަކެއް ވަގަށް ނަގައިގެން ބޮކްސާ ތެރޭގައި ފޮރުވައިގެން އުޅުނު މީހަކު ހައްޔަރުކޮށްފިއެވެ.
ވައްކަމުގެ މި މައްސަލައިގައި ހައްޔަރުކޮށްފައިވަނީ ހ. ރޯޒެންޑޭލް، ސަފްވާން ޒުފްރަތް، 29އ، އެވެ.
އޭނާ ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރު ކުރުމުން އެ ކޯޓުން ވަނީ 15 ދުވަސް ކަސްޓޯޑިއަލް ޖަލެއްގައި ބަންދު ކުރުމަށް އަމުރުކޮށްފައެވެ.
ބަންދު އަމުރުގައިވާގޮތުން މީނާގެ އަތުން ގިނަ އަދަދެއްގެ ގަޑިތަކެއް ވަނީ ފެނިފައެވެ. އަދި ގަޑިތަކާ ގުޅޭ ގޮތުން ސުވާލު ކުރުމުން އެއި އޭނާ އެހެން މީހެއްގެ އަތުން ގަނެފައިވާ ގަޑިތަކެއް ކަމަށް ފުލުހުން ގާތު ބުނެފައިވެއެވެ.
އެހެން ނަމަވެސް މީނާ ފިހާރައަކުން ވައްކަން ކޮށްފައިވާ ކަމަށާއި އަދި އެ ފިހާރައިން އޭނާ ވަގަށް ނެގި ގަޑިތައް އޭނާ ލަިއގެން ހުރި ބޮކްސާ ތެރޭގައި ފޮރުވާފައި ހުއްޓާ ފެނުނު ކަމަށް އަމުރުގައިވެއެވެ.
އޭނާ އަކީ މިބާވަތުގެ ހައްޔަރާއި ބަންދު ރެކޯޑު ގިނަ އަދަދަކަށް އޮންނަ ފަރާތެއް ކަމަށް އަމުރުގައިވަނީ ފާހަގަކޮށްފައެވެ.
ކޮމެންޓް
Republic of Maldives