ރާއްޖެއަށް ޒިޔާރަތްކުރައްވަން އިނގިރޭސި ރަސްގެފާނަށް ނައިބުރައީސް ދައުވަތު ދެއްވަައިފި
ނައިބުރައީސާއި ރަސްގެފާނު ޗާލްސްއާ ބައްދަލުކުރެއްވީ ކޮމަންވެލްތު ގައުމުތަކުގެ އިސްވެރިންނަަށް ޗާލްސް ދެއްވި ފަރިއްކޮޅުގެ ތެރެއިންނެވެ.
ދިވެހިރާއްޖެއަށް ވަޑައިގަތުމަށް އިނގިރޭސިވިލާތުގެ ރަސްގެފާނު ޗާސް ތިންވަނައަށް ރައީސުލްޖުމްހޫރިއްޔާގެ ނައިބު ހުސައިން މުހައްމަދު ލަތީފު ދައުވަތު ދެއްވައިފި އެވެ.
ކޮމަންވެލްތުގެ އިސްވެރިންގެ ބައްދަލުވުމުގައި ބައިވެރިވެވަޑައިގަތުމަށް ސަމާއޯއަށް ކުރައްވަމުންދާ ދަތުރުފުޅުގެ ތެރެއިން ނައިބުރައީސްވަނީ ރަސްގެފާނު ޗާލްސްއާ ބައްދަލުކުރައްވާފަ އެވެ. އަދި އެ ބައްދަލުވުމުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ފަރާތްޕުޅުން ނައިބުރައީސްވަނީ ރަސްގެފާނަށް ފަސޭހަފުޅު ވަގުތެއްގައި ރާއްޖެއަށް ވަޑައިގަތުމަށް ދައުވަތު ދެއްވާފަ އެވެ.
ނައިބުރައީސާއި ރަސްގެފާނު ޗާލްސްއާ ބައްދަލުކުރެއްވީ ކޮމަންވެލްތު ގައުމުތަކުގެ އިސްވެރިންނަަށް ޗާލްސް ދެއްވި ފަރިއްކޮޅުގެ ތެރެއިންނެވެ.
ކޮމަންވެލްތުގެ ވެރިންގެ ބައްދަަލުވުން ކާމިޔާބުކަމާއެކު ކުރިއަށްގެންދިއުމަށް ރަސްގެފާނު ދެއްވި އެހީތެރިކަމާ ހަމަަޖައްސަވާފައިވާ އިންތިޒާމުތަކަަށް ނައިބުރައީސްވަނީ ޝުކުރު އަދާކުރެއްވި އެވެ.
އެންމެ ފަހުން ރާއްޖެއަށް އިނގިރޭސި ޝެހެންޝާހެއް ވަޑައިގަތީ 1972 ވަނަ އަހަރު އެވެ. އެއީ ޗާލްސްގެ މަންމާފުޅު އިނގިރޭސިވިލާތުގެ ކުރީގެ ރާނީ އެލިޒަބަތު ދެވަނަ އެވެ.
ކޮމެންޓް
Republic of Maldives