ގުޅިފަޅުން ގޯތި ލިބުނު މީހުންގެ ގުރު އަލުން ނަގަނީ
ކުރީ ސަރުކާރުން ހިންގި ބިންވެރިޔާ ސްކީމްގެ ދަށުން ގުޅިފަޅުން ގޯތި ލިބުނު މީހުންގެ މެދުގައި އޭރު އޮތީ ގުރުއަތު ނަގާފަ އެވެ. ނަމަވެސް ސަރުކާރު ބަދަލުވުމާއެކު، މި ސަރުކާރުން ވަނީ ގުޅިފަޅުގެ ލޭންޑް ޔޫސް ޕްލޭނަށް ބަދަލު ގެނެސްފަ އެވެ.
ބިންވެރިޔާ ސްކީމްގެ ދަށުން ގުޅިފަޅުން ގޯތި ލިބިފައިވާ މީހުންގެ މެދުގައި އަލުން ގުރުއަތު ނަގަން ނިންމައި، އަންނަ އަންގާރަ ދުވަހަށް ތާވަލު ކޮށްފި އެވެ.
ކުރީ ސަރުކާރުން ހިންގި ބިންވެރިޔާ ސްކީމްގެ ދަށުން ގުޅިފަޅުން ގޯތި ލިބުނު މީހުންގެ މެދުގައި އޭރު އޮތީ ގުރުއަތު ނަގާފަ އެވެ. ނަމަވެސް ސަރުކާރު ބަދަލުވުމާއެކު، މި ސަރުކާރުން ވަނީ ގުޅިފަޅުގެ ލޭންޑް ޔޫސް ޕްލޭނަށް ބަދަލު ގެނެސްފަ އެވެ.
ހައުސިން މިނިސްޓްރީން އިއްޔެ ގެޒެޓް ކުރި އިއުލާނެއްގައި ބުނެފައި ވަނީ ލޭންޑް ޔޫސް ޕްލޭނަށް ގެނައި ބަދަލާ ގުޅިގެން، ކުރިން ގުޅިފަޅުން ގޯތި ލިބިފައިވާ ފަރާތްތަކުގެ ގޯތީގެ ލޮކޭޝަން ބަދަލުވެފައިވާ ކަމަށެވެ.
އެހެންކަމުން އެ ފަރާތްތަކުގެ އިތުރުން ގިރާފަރުފަޅުން ލިބުނު ގޯތި ގުޅިފަޅަށް ބަދަލު ކުރި މީހުންގެ މެދުގައި އަންނަ އަންގާރަ ދުވަހުގެ ހެނދުނު 9:00 ގައި ގުރުއަތު ނަގަން ނިންމާފައިވާ ކަމަށް ހައުސިން މިނިސްޓްރީން ބުންޏެވެ. ގުރުއަތު ނަގަން ހަމަޖެހިފައި ވަނީ ދަރުބާރުގޭގެ ރަންނަބަނޑޭރި މާލަމުގަ އެވެ.
ގުޅިފަޅުން ދޫކުރާ ގޯތީގެ އަދަދާއި ބޮޑުމިން
- 1250 އަކަފޫޓުގެ 669 ގޯތި
- 1650 އަކަފޫޓުގެ 1234 ގޯތި
- 2050 އަކަފޫޓުގެ 916 ގޯތި
- 2450 އަކަފޫޓުގެ 473 ގޯތި
- 2850 އަކަފޫޓުގެ 158 ގޯތި
- 3250 އަކަފޫޓުގެ 49 ގޯތި
- 3650 އަކަފޫޓުގެ 21 ގޯތި
މިނިސްޓްރީން ބުނެފައި ވަނީ ގޯތި ލިބޭ ފަރާތްތަކުގެ ގުރުނަގާ ނިމުމުން، ގޯތިތަކުގެ ރަޖިސްޓްރީ އާއި ބިން ލިބޭ ފަރާތްތަކާއެކުވާ އެއްބަސްވުން ތަކާއިގުޅޭ މައުލޫމާތު ފަހުން ހިއްސާކުރާނެ ކަމަށެވެ.
ކޮމެންޓް
Republic of Maldives