ގުޅިފަޅު ކައިރިން ދެ ލޯންޗު ޖެހިގެން ހިނގި އެކްސިޑެންޓެއްގައި 4 މީހަކަށް އަނިޔާވެއްޖެ
ގުޅިފަޅު ކައިރިން ދެ ލޯންޗު ޖެހިގެން ހިނގި އެކްސިޑެންޓުގައި އަނިޔާވި ހަތަރު މީހުންނަށް ފަރުވާދިނުމަށް އައިޖީއެމްއެޗްއަށް ގެންގޮސްފައިވެ އެވެ.
ގުޅިފަޅު ކައިރިން ދަތުރުކުރި ދެ ލޯންޗެއް ޖެހިގެން ހިނގި އެކްސިޑެންޓެއްގައި ހަތަރު މީހަކަށް އަނިޔާވެއްޖެ އެވެ.
"މިރާ"އަށް މައުލޫމާތު ލިބިފައިވާ ގޮތުގައި މިއަދު ހިނގި މި ހާދިސާގައި ހަތަރު މީހަކަށް އަނިޔާވެގެން އައިޖީއެމްއެޗްއަށް ގެންގޮސް މިހާރު ދަނީ ފަރުވާ ދެމުންނެވެ. އަދި މި އެކްސިޑެންޓުގައި އަނިޔާވި މީހުންގެ ތެރެއިން އެކަކު އޮތީ ހޭނެތިފައި ކަމަށްވެސް މައުލޫމާތު ލިބިފައިވެ އެވެ.
މައުލޫމާތު ލިބުނު ގޮތުގައި މި އެކްސިޑެންޓުގައި 15 ވަރަކަށް މީހުންނަށް އަނިޔާވި އެވެ. އަނިޔާވި މީހުންގެ ތެރެއިން ބައެއް މީހުންނަށް އޭޑީކޭގައި އަންނަނީ ފަރުވާދެމުންނެވެ.
މި ހާދިސާއާ ގުޅޭ ގޮތުން ފުލުހުންނާ ސުވާލުކުރުމުން ގުޅިފަޅު ކައިރިން ދެ ލޯންޗެއް ޖެހި އެކްސިޑެންޓެއް ހިނގިކަމުގެ މައުލޫމާތު 19:34 ހާއިރު އެ އިދާރާއަށް ލިބުނު ކަމަށް ފުލުހުން ބުނެފައިވެ އެވެ.
އަަދި އެ އެކްސިޑެންޓުގައި އަނިޔާވި ހަތަރު މީހަކު އައިޖީއެމްއެޗްއަށް ގެންގޮސް ފަރުވާދެމުންދާކަމަށް ފުލުހުން ބުނެފައިވެ އެވެ.
އެކްސިޑެންޓު ހިނގި ސަަރަހައްދުގައި ފުލުހުން ހަރަކާތްތެރިވަމުންދާ ކަމަށްވެސް އެ އިދާރާއިން ބުނެފައިވެ އެވެ.
ކޮމެންޓް
Republic of Maldives