ޑްރަގާއެކު ހައްޔަރުކުރި ބްރެޒިލް މީހާ ބަނޑުބޮޑު، އޭނާ ބުނަނީ އެއްފަޅި ވާގިނެތިފައ ހުރި ކަމަށް!
ލަގޭޖުގައި ފޮރުވައިގެން ހަަތަރު ކިލޯ ޑްރަގް އެތެރެކުރިކަމަށް ތުހުމަތުވާ އަންހެންމީހާ ބަނޑުބޮޑުއިރު އޭނާގެ އެއްފަޅި ވާގިނެތިފައިވާ ކަމަށް ކޯޓުގައި އެ އަންހެންމީހާ ބުނެފައިވެ އެވެ.
ރާއްޖެއަށް މަސްތުވާތަކެތި އެތެރެކުރަން އުޅެނިކޮށް ހައްޔަރުކުރި ބްރެޒިލް އަންހެންމީހާ ބަނޑުބޮޑު ކަމަށާއި އަދި އެއްފަޅި ވާގިނެތިފައިވާ ކަމަށް ކޯޓުގައި ބުނެފި އެވެ.
މި މަހުގެ 5 ވަނަ ދުވަހު ރާއްޖެއަށް މަސްތުވާތަކެތި އެތެރެކުރަން އުޅެނިކޮށް އެއާޕޯޓުން ހައްޔަރުކުރީ ބްރެޒިލްގެ، އެސްޓަ ރަމިނެއްލި އޮލިވެއިރާ (33އ) އެވެ.
އޭނާގެ ބަންދަށް ފުރަތަމަ ޖެހީ 15 ދުވަހެވެ. އެ މުއްދަތު ހަމަވުމުން ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން އިތުރު 30 ދުވަހަށް ބަންދުކުރަން އަމުރުކޮށްފައިވެ އެވެ.
ކޯޓު އަމުރުގައި ބުނެފައިވަނީ އެ މީހާ ރާއްޖެއައިއިރު ގެނައި ދަބަހުގައި ކޮންސީލްކޮށްފައިވާ ހަތަރު ކިލޯގެ މަސްތުވާތަކެތި ފެނިފައިވާ ކަމަށެވެ. އަދި އޭނާއަށް އެ ދަބަހާ ގުޅޭ އިތުރު މައުލޫމާތު ނޭނގޭތީ, ކޮންޓްރޯލް ޑެލިވަރީ ޖައްސަން އެއްބާރުލުން ނުދެވުނީ ކަމަށް ބުނެފައިވާ ކަމަށް އަމުރުގައި ފާހަގަކޮށްފައިވެ އެވެ.
ބަންދު އަމުރުގައިވާގޮތުން އޭނާ ބަނޑުބޮޑުކަން ވަނީ އެނގިފައެވެ. އަދި އޭނާގެ އެއްފަޅި ވާގިނެތިފައިވާ ކަމަށް ބުނެފައިވެ އެވެ.
އޭގެ އިތުރުން އޭނާ ހައްޔަރުކުރި ދުވަހު ބޭސްފަރުވާ އާ ގުޅޭގޮތުން ފޯނުން ދައްކާފައިވާ ލިޔެކިޔުތަކުގެ މައުލޫމާތު ބަންދު މަރުކަޒާއި ހިއްސާ ކޮށްފައިވާ ކަމަށް މި މައްސަލަ އާއި ހަވާލުވެ ހުރި އައިއޯ ވަނީ ކޯޓުގައި ފާހަގަކޮށްފައެވެ. އަދި އޭނާ އެއްފަޅި ވާގިނެތިފައިވާ ކަމަށް ބުނާތީ އެކަންކަން ބެލުމަށް ގާޒީ ވަނީ އަންގާފަ އެވެ.
އޭނާ ބަންދުގައި ހުރިކަން އެމްބަސީއަށް ލިޔުމުން އަންގާފައިވާނެ ކަމަށާއި ނަމަވެސް ދިން ފޯނުކޯލުގެ ފުރުސަތުގައި އެނާގެ މަންމަގެ ނަންބަރަށާއި އެމްބަސީއަށް ގުޅުމުން ޖަވާބުދީފައި ނުވާ ކަމަށްވެސް އައިއޯ ބުނެފައިވެ އެވެ.
ކޮމެންޓް
Republic of Maldives