ކިޔުޓްގެ އެހީ މިފަހަރު ވާދޫ ސުކޫލުގެ މިސްކިތަށް
އެ ޖަމިއްޔާ އިން ބުނީ ރ. އަތޮޅުގައި ހިންގާ މަތީ ފަންތީގެ ރިސޯޓެއް ކަމުގައިވާ ޖޯލި ރިސޯޓްގެ އެހީތެރިކަމާއި އެކު ކިޔުޓުން ވަނީ މިސްކިތަށް ބޭނުންވާ ކާޕެޓް ފޯރުކޮއްދީފައި ކަމަށެވެ.
ރ. ވާދޫ ސުކޫލުގެ މިސްކިތަށް ބޭނުންވާ ކާޕެޓް ކަޒިން ޔުނިޓީ ޓްވާޑްސް އެންޕަވާ (ކިއުޓް) ޖަމިއްޔާ އިން ފޯރުކޮށް ދީފި އެވެ.
ސުކޫލާ ކާޕެޓް ހަވާލުކޮށް ދިނީ ޖަމިއްޔާގެ ރައީސް އިބްރާހީމް ފިކުރީ އެވެ. ސްކޫލުގެ ފަރާތުން އެ ކާޕެޓާއި ހަވާލުވީ ޕްރިންސިޕަލް އެވެ.
އެ ޖަމިއްޔާ އިން ބުނީ ރ. އަތޮޅުގައި ހިންގާ މަތީ ފަންތީގެ ރިސޯޓެއް ކަމުގައިވާ ޖޯލި ރިސޯޓްގެ އެހީތެރިކަމާއި އެކު ކިޔުޓުން ވަނީ މިސްކިތަށް ބޭނުންވާ ކާޕެޓް ފޯރުކޮއްދީފައި ކަމަށެވެ.
ކިޔުޓް ޖަމިއްޔާ އަކީ އަނގޮޅިތީމް އެއް އާއިލާ އަަކަށް ނިސްބަތްވާ މެންބަރުންތަކެއް ބައިވެރިވެގެން އުފައްދާފައިވާ ޖަމިއްޔާ އެކެވެ. އެ ޖަމިޔާއިން ވަނީ އަނގޮޅިތީމް މިސްކިތް އޭސީ ކުރުމާއި، ހެލްތް ސެންޓަރަށް ބޭނުންވާ ބައެއް އާލާތަށް ހަދިޔާ ކުރުމުގެ އިތުރަށް އެރަށު ސްކޫލްގައި އޯޕަން ލައިބްރަރީއެއް ބީއެމްއެލްގެ އެހީތެރިކަމާއި އެކު ހުޅުވާފައެވެ.
މި ފަހުން އެ ޖަމިއްޔާ އިން ވަނީ އަނގޮޅިތީމް އަންހެނުންގެ ތަރައްގީ އަށް މަސައްކަތްކުރާ ކޮމެޓީ އާއި ގުޅިގެން އެ ރަށުގައި މީހުން ދިރިއުޅޭ 80 އެއްހާ ގޭބިސީއަށް ޑަސްބިން ހަދިޔާ ކުރުމުގެ ޕްރަގްރާމެއް ވެސް ހިންގާފަ އެވެ.
ކިއުޓް ޖަމިއްޔާ އިން މިހާރު ދަނީ މަސްވެރިންގެ ދުވަހާއި ގުޅުވައިގެން އަތޮޅުފެންވަރުގައި މަސްރޭހެއް ބޭއްވުމާއި "ކިޔުޓް ޓޯކްސް" ގެ ނަމުގައި އަތޮޅުގެ މަޖަނީ ޖަމިއްޔާތަކަށް ހުޅުވާލައިގެން މަހާސިންތާ އެއް ބޭވުމަށް މަސައްކަތް ކުރަމުންނެވެ.
ކޮމެންޓް
Republic of Maldives