ނަގަނީ ނާޖައިޒު ފައިދާ، އެމެރިކާ ފާމާއެކު ކުރިއަށް ނުދާން ނިންމުމުން ނަޝީދުގެ ތައުރީފު
ރައީސް ނަޝީދު ވިދާޅުވީ މިފަދަ ބޭރުގެ ފާމުތަކުން އަޅުގަނޑުމެންގެ ގައުމުތަކުން ނަގަމުންދަނީ އިންތިހާއަށް ނާޖައިޒު ފައިދާ ކަމަށެވެ.
ރާއްޖޭގެ ދަރަނީގެ ހާލަތު ބޮޑުވެ އެކަމުން އަރައިގަތުމުގައި ލަފާ ދޭން ދިވެހި ސަރުކާރުން އެއްބަސްވުން އެކުލަަވާލި އެމެރިކާގެ އިންޑިޕެންޑެންޓް އިންވެސްޓްމެންޓް ބޭންކިން ފާމް، ސެންޓަވިއު ޕާޓްނާސްއާ އެކު ކުރިއަށް ނުދާން ސަރުކާރުން ނިންމި ނިންމުމަށް ކުރީގެ ރައީސް މުހައްމަދު ނަޝީދު ތައުރީފު ކުރައްވައިފި އެވެ.
މީގެ އަހަރުތަކެއް ކުރީން 2006 ވަނަ އަހަރު އުފެއްދި ސެންޓަވިއު ޕާޓްނާސްއާ އެކު އިތުރަށް ކުރިއަށް ނުދާން ސަރުކާރުން ވަނީ ނިންމާފަ އެވެ. ފޮރިން މިނިސްޓްރީން ބުނި ގޮތުގައި އެ ނިންމުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ނިންމެވުމެކެވެ.
އެކްސް ގައި ރައީސް ނަޝީދު ވިދާޅުވީ ރާއްޖޭގެ ދަރަންޏާއި ގުޅޭގޮތުން ލަފާ ދިނުމަށް ބޮޑު ހަރަދުގައި ކަނޑައެޅި ފަރާތަކާ ވެފައިވާ އެއްބަސްވުން ނިމުމަކަށް ގެނައުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމެވި ނިންމެވުމަކީ ވަރަށް ބުއްދިވެރި ފިޔަވަޅެއް ކަމަށެވެ.
އަދި ވިދާޅުވީ މިފަދަ ބޭރުގެ ފާމުތަކުން އަޅުގަނޑުމެންގެ ގައުމުތަކުން ނަގަމުންދަނީ އިންތިހާއަށް ނާޖައިޒު ފައިދާ ކަމަށެވެ.
ކޮމެންޓް
Republic of Maldives