އަގަށް ގެނައި ބަދަލާއެކު ޕެކޭޖުގެ އަގު ވަނީ 10،000 ރުފިޔާއިން 6،000ރ. އަށް ހެޔޮކޮށްފަ އެވެ.
ސްޕޭސް އެކްސް ކުންފުނިން އިންޓަނެޓްގެ ސްޓާލިންކުން ރާއްޖެ އަށް ވިއްކާ އިންޓަނެޓް ކިޓް ގެ އަގު 50 ޕަސެންޓް ހެޔޮކޮށް އަގު ތިރިކޮށްފި އެވެ.
ސްޓާލިންކުން މިހާތަނަށް އިންޓަނެޓް ޕެކޭޖު ޕެކޭޖު ޝިޕިންއާއެކު ވިއްކުން ގޮސްފައިވަނީ 10،300ރ. އެވެ. ނަމަވެސް މިހާރު އަގު ވަނީ އަގު 5999 އަށް ތިރިކޮށްފަ އެވެ. މި ޕެކޭޖު އެ ކުންފުނިން ވިއްކަނީ އިންޓަނެޓު ހަރުކުރަން ބޭނުން ކުރާ ވޯލްމައުންޓާއި އެޑެޕްޓަރު އަދި ކޭބަލްސްވެސް ހިމަނައިގެންނެވެ.
ސްޕޭސް އެކްސް އިންޓަނެޓު ހިދުމަތުގެ މަގުބޫލުކަން ދުނިޔޭގައި ބޮޑެވެ. މި ހިދުމަތް މިދިޔަ އަހަރުން ފެށިގެން ދަނީ ރާއްޖެއަށް ލިބެމުންނެވެ. މި އިންޓަނެޓު 200 އެމްބީޕީއެސްގެ ސްޕީޑްގައި ލިބެ އެވެ. އަދި ތިން ޕެކޭޖެއް މި ހިދުމަތުގައި ލިބެން ހުރެ އެވެ. އެގޮތުން ގޭގައި އިންޓަނެޓު ދޭން ދީފައިވާ އެންމެ ކުޑަ ރެސިޓެންސް ޕެކޭޖުގެ އަގަކީ މަހަކު 1,000ރ. އެވެ. އަދި ރޯމްއަލްލިމިޓެޑް 1,730ރ. އަށް ލިބޭއިރު މޮބައިޕް ޕްރިއޯރިޓީ 50 ޖީބީ ލިބޭ އަގަކީ 4,057ރ. އެވެ. އަދި މޮބައިލް ވަން ޓީބީގެ މަހު ފީއަކީ 16,228ރ. އެވެ.
ސްޓާލިންކުގެ އިތުރުން ރާއްޖެއަށް މިވަގުތު އިންޓަނެޓުގެ ހިދުމަތް ލިބެނީ އުރީދޫ އާއި ދިރާގު އަދި ރާއްޖެ އޮންލައިންގެ އިންޓަނެޓުގެ ހިދުމަތެވެ.