ނަޑެއްލާގައި ނުރައްކާތެރި އެކްސިޑެންޓެއް | ދެ މީހަކަށް އަނިޔާވެ މާލެއަށް
މި ހާދިސާގައި އަނިޔާވެގެން މާލެއަށް ގެނައި ދެ މީހުންނަށްވެސް މިވަގުތު ފަރުވާދެމުންދަނީ އިންދިރާ ގާންދީ މެމޯރިއަލް ހޮސްޕިޓަލުގެ އިންޓެންސިވް ކެއާ ޔުނިޓް (އައިސީޔޫ)ގައި ކަމަށް މައުލޫމާތު ލިބިފައިވެ އެވެ.
ގދ.ނަޑެއްލާގައި ހިނގި ނުރައްކާތެރި އެކްސިޑެންޓެއްގައި އަނިޔާވި ދެ މީހަކު މާލެއަށް ގެނެސް އިންދިރާ ގާންދީ މެމޯރިއަލް ހޮސްޕިޓަލުގެ އައިސީޔޫގައި ފަރުވާދޭން ފަށައިފި އެވެ.
"މިރާ"އަށް މައުލޫމާތު ލިބިފައިވާ ގޮތުގައި މި ހާދިސާ ހިނގީ ލަކުނޑިތަކެއް އުޅަނދަކަށް ބަރާކުރަމުންދަނިކޮށް ބާރު ސްޕީޑުގައި ދުއްވާފައި އައި ސައިކަލެއް ކޮންޓްރޯލުން ނައްޓާލައިގެން ގޮސް އެ އުޅަނދުގައި ޖެހުމުގެ ސަބަބުން އުޅަނދުގައި އޮތް ލަކުނޑިގަނޑެއް ވިއްސައިގެން ގޮސް ލަކުނޑި އަރުވަން ހުރި މީހެއްގެ ބޮލުގައި ޖެހިގެންނެވެ.
މި ހާދިސާގައި އަނިޔާވި އެކަކީ އުޅަނދަށް ލަކުނޑި އަރުވަން ހުރި މީހެކެވެ. އޭނާގެ ބޮލުގައި ލަކުނޑިގަނޑުން ޖެހުމުގެ ސަބަބުން ބޮޑެތި ޒަަހަމްތަކެއް ލިބިފައިވާކަމަށް މައުލޫމާތު ލިބިފައިވެ އެވެ.
އޭނާގެ އިތުރަށް ސައިކަލުގައި ތިބި ދެ މީހުންގެ ތެރެއިން އެކަކަށް ވަރަށް ބޮޑަށް އަނިޔާވި އެވެ. އަނިޔާވި ދެ މީހުންވެސް މިއަދު މާލެއަށް ގެނެސްފައިވެ އެވެ.
މި ހާދިސާގައި އަނިޔާވެގެން މާލެއަށް ގެނައި ދެ މީހުންނަށްވެސް މިވަގުތު ފަރުވާދެމުންދަނީ އިންދިރާ ގާންދީ މެމޯރިއަލް ހޮސްޕިޓަލުގެ އިންޓެންސިވް ކެއާ ޔުނިޓް (އައިސީޔޫ)ގައި ކަމަށް މައުލޫމާތު ލިބިފައިވެ އެވެ.
ކޮމެންޓް
Republic of Maldives