ވައްކަން ކުރަން ވަނުމުގެ ތުހުމަތު؛ ބުނީ ވަނީ ޖެހިގެން ހުރި ގޭގެ ޓިނު ރަނގަޅުކުރަން

މާލޭގެ ގެއަކުން ވައްކން ކުރަން އުޅުނު މީހަކު ހައްޔަރުކޮށްފިއެވެ.

ވައްކަމުގެ މި މައްސަލައިގައި ހައްޔަރުކޮށްފައިވަނީ ހއ. ހޯރަފުށި، ބަގީޗާގެ، އަލީ ވިސާމް 39އ، އެވެ.

ބަންދު އަމުރުގައިވާގޮތުން އޭނާ ވައްކަން ކުރަން ވަދެ އުޅެނިކޮށް ހިފެހެއްޓުމުން ބުނީ އޭނާ އެތަނަށް އެރީ އެގެއާއި ޖެހިގެން ހުރިގޭގެ ފުރާޅުގެ ޓިނު ރަނގަޅު ކުރުމަށް ކަމަށެވެ. އެކަމަކު މިކަމާ ގުޅިގެން ފުލުހުން އޭނާ އާ ސުވާލު ކުރުމުން ބުނީ އެތަނަށް އެރީ އެގޭ ފުރާޅަށް އޭނާގެ ފޯނު ވެއްޓިގެން ކަމަށެވެ.

އޭނާ އަކީ މި ބާވަތުގެ ކުށުގެ ރެކޯޑު އޮންނަ މީހެކެވެ. އެގޮތުން އޭނާ ވަނީ 24 ފަަރު ހައްޔރުކޮށް 15 ފަހަރު ބަންދުކޮށްފައެވެ.