ސިނަމާލެ ބްރިޖް މޮނިއުމެންޓަލް ޕާކް ހުޅުވައިފި
ދިވެހިރާއްޖޭގައި މިހާތަނަށް ހިންގައި ނިންމުނު އެންމެ ބޮޑު އުމްރާނީ ތަރައްގީގެ މަޝްރޫއުކަމަށްވާ ސިނަމާލެ ބުރިޖު މަޝްރޫއުއާ ގުޅުވާ ބްރިޖު ކައިރީގައި ހަދާފައިވާ ޕާކު މިއަދު ހުޅުވައިފި އެވެ.
ޕާކް ހުޅުވައިދެއްވީ ޗައިނާއިން ރާއްޖެއަަށް ކަނޑައަޅުއްވާފައި ހުންނަވާ ސަފީރު ވަން ލީ ޖީން އާއި ކޮންސްޓްރަކްޝަން މިނިސްޓަރު އަބްދުﷲ މުއްތަލިބެވެ.
މިނިސްޓަރު ވިދާޅުވި ގޮތުގައި މިއުޒިއަމް ޕާކެއް ގޮތަށް ހުޅުވި މި ތަނުން ރާއްޖޭގައި މިހާތަނަށް ހިންގައި ނިންމުނު އެންމެ ބޮޑު އުމްރާނީ ތަރައްގީގެ މަޝްރޫއުކަމަށްވާ ސިނަމާލެ ބުރިޖު މަޝްރޫއުގެ އެކި މައުލޫމާތުތައް ލިބޭނެ އެވެ.
ޕާކު ހުޅުވުމަށް މިއަދު އެ ސަރަހައްދު ގައި ކުޑަކުދީންގެ ހަވީރެއް ވަނީ ބާއްވާފަ އެވެ. ޕާކުން ސިނަމާލެ ބުރިޖު މަޝްރޫއުގެ މައުލޫމާތާއި ތަފާތު ފޮޓޯތައް ފެންނާނެ ހެން ބަހައްޓާފައިވެ އެވެ.
ސަރުކާރުން ބުނި ގޮތުގައި މިއީ ރާއްޖެ-ޗައިނާ ގުޅުމުގެ ރަމްޒެއް ވެސް މެ އެވެ.
އެ ތަން ފުރަތަމަ ހެދުމަށް ފަހު އަލުން ބަދަލު ގެނައުމަށް ތަޅާލީ އެވެ.
ކޮމެންޓް
Republic of Maldives