މި ސަރަހައްދަށް ކަރަންޓުގެ ބިޔަ މަޝްރޫއެއް | ޗައިނާ ޓީބީއީއޭ ގްރޫޕާއެކު ސޮޔެއް
މި މަޝްރޫއުގެ އަގު ގާތްގަނޑަކަށް 300 މިލިއަން ޑޮލަރަށްވުރެ ބޮޑުވާނެ ކަމަށް އަންދާޒާ ކުރެވެ އެވެ. މި މަޝްރޫއުގެ މަސައްކަތް އަންނަ އަހަރުގެ ކުރީކޮޅު ފެށިގެންދާނެ އެވެ.
މާލެ ސަރަހައްދުގެ ކަރަންޓުގެ ބިޔަ ނެޓްވޯކް އަކުން ގުޅާލުމާއެކު ގުޅީފަޅުގައި 150 މެގަވޮޓުގެ ޑުއަލް ފިއުލް އިންޖީނުގެ މަޝްރޫއެއް ހިންގަން ޗައިނާގެ ޗައިނާގެ ޓީބީއީއޭ ގްރޫޕް ކޯ ލިމިޓެޑާއެކު ސްޓެލްކޯއިން ސޮއިކޮށްފި އެވެ.
އެފްރިކާ އާއި ޗައިނާގެ އެކި ހިސާބުތަކުގައި އެނާޖީ ގިނަ މަޝްރޫއުތަކެއް ހިންގާ ޗައިނާގެ ޓީބީއީއޭ ގްރޫޕް ކޯ ލިމިޓެޑާއި ސްޓެލްކޯއާ ދެމެދު އެމްއޯޔޫގައި ސޮއިކުރަން މިއަދު ބޭއްވި ރަސްމިއްޔާތުގައި ސްޓެލްކޯގެ ފަރާތުން ސޮއިކުރެއްވީ އެމްޑީ ހުސެއިން ފަހުމީ އެވެ. އަދި ޓީބީއީއޭ ގްރޫޕް ކޯ ލިމިޓެޑުގެ ފަރާތުން ސޮއިކުރެއްވީ އެ ކުންފުނީގެ ވައިސް ޕްރެސިޑެންޓް ސަންގް ހޮންގް ޒޮންގް އެވެ.
ސޮއިކުރުމަށްފަހު ސްޓެލްކޯގެ އެމްޑީ ފަހުމީ "މިރާ" އަށް ވިދާޅުވީ ސްޓެލްކޯ އިން ޗައިނާގެ ޓީބީއީއޭ ގްރޫޕް ކޯ ލިމިޓެޑާއެކު ރަސްމީކޮށް އެމްއޯޔޫއެއްގައި އެއްބަސްވުމެއްގައި ސޮއިކޮށް ކުރުމާއެކު އަންނަ އަހަރުގެ ކުރީކޮޅު މަޝްރޫއުގައި އެގްރީމެންޓުގައި ސޮއިކޮށް މަސައްކަތް ފެށިގެންދާނެ ކަމަށެވެ. މި ފެށެން ތައްޔާރުވާ 300 މިލިއަން ޑޮލަރުގެ މި މަޝްރޫއަކީ މި ސަރަހައްދުގެ ހަކަތަ އުފެއްދުމުގެ އިންފްރާސްޓްރަކްޗާގައި މުހިންމު ބޮޑު މަސައްކަތަށްވާނެ ކަމަށް އެމްޑީ ވިދާޅުވި އެވެ.
"މި މަޝްރޫއުގެ ދަށުން ހަދާ އިންޖީނުގެ ހުންނާނީ ތިލަފުށީގަ. މި އިންޖީނަކީ ޑުއަލް ފިއުލް އިންޖީނުގެއެއް. މި އިންޖީނު ތެލާއި ގޭސް އަދި ބަޔޯ ފިއުލުން ވެސް ހިންގޭނެ. ބޭނުމަކީ ދުނިޔޭގެ ބާޒާރުގައި އަގަށް އަންނަ ބަދަލާއެކު އެންމެ އަގުހެޔޮކޮށް ކަރަންޓު ދެވޭ ގޮތަށް ބަލައިގެން އިންޖީނު ހެދުން،" ފަހުމީ ވިދާޅުވި އެވެ.
މި ޕާޓްނަޝިޕްގައި ހިމެނޭ ބައިތައް
- ހައި-ކެޕޭސިޓީ ޓްރާންސްމިޝަން ލައިން - މާލެ، ވިލިގިލީ ގުޅީފަޅާއި ތިލަފުށި ގުޅުވައި މި މުހިންމު ސަރަހައްދުތަކުގެ ހަކަތަގެ ނެޓްވޯކުން ގުޅާލުން
- 150 މެގަވޮޓްގެ ޑުއަލް ފިއުލް ޕަވާ ޕްލާންޓް - ކަރަންޓް އުފެއްދުމުގެ ޤާބިލުކަން އިތުރުކުރުމަށްޓަކައި މަރުކަޒީ ފެސިލިޓީއެއް ތަރައްޤީކޮށް، ސްޓޭބަލް އަދި އިތުބާރުހުރި ހަކަތަ ސަޕްލައިއެއް ކަށަވަރު ކުރުން
- ދެމެހެއްޓެނިވި ގޮތެއްގައި ކުރިއަށް ގެންދިއުމަށް ކޮމިޓްމަންޓް - ކަރަންޓުގެ ލޯޑާ އެއްވަރަށް ކެޕޭސިޓީ އުފެއްދުން
ކޮމެންޓް
Republic of Maldives