ވީއައިއޭ ކުރީގެ ރަންވޭ 48 އަހަރުފަހުން މަރާމާތު ކުރަނީ، މަސައްކަތް ބީޔޫސީޖީއަށް
ކުރީގެ ރަންވޭއަކީ 1960 ގެ އަހަރުތަކުގައި ހެދި ތަނެކެވެ. މިހާރު މި ރަންވޭ ބޭނުން ކުރަނީ ޓެކްސީވޭއެއްގެ ގޮތުގަ އެވެ.
ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ކުރީގެ ރަންވޭ މަރާމާތު ކުރަން ޗައިނާގެ ބީޔޫސީޖީ ކުންފުންޏަށް ހަވާލުކޮށްފި އެވެ.
ވީއައިއޭގައި މިއަދު އޮތް ރަސްމިއްޔާތެއްގައި މިހާރު ޓެކްސީވޭ އެއްގެ ގޮތުގައި ބޭނުންކުރަމުން ގެންދާ ކުރީގެ ރަންވޭ މަރާމާތު ކުރުން އަންނަ މަހު ފަށާއިރު މަސައްކަތް ނިންމަން ކަނޑައަޅާފައިވަނީ 2027 ވަނަ އަހަރު އެވެ. މި މަޝްރޫއުގެ ދަށުން ޓެކްސީވޭ ޒަމާނީ ފެންވަރަކަށް ހަދާނެ އެވެ. މިއީ 3،200 މީޓަރުގެ ރަންވޭ އެކެވެ. މިތަން މަރާމާތު ކުރުމަށްފަހު ޕެރެލަލް ޓެކްސީވޭއެއްގެ ގޮތުގައި ބޭނުން ކުރާނެ އެވެ.
މި ރަސްމިއްޔާތުގައި އިކޮނޮމިކް މިނިސްޓަރު މުހައްމަދު ސައީދު އާއި ޗައިނާ ސަފީރު ވަން ލިޒިން ވެސް ބައިވެރިވަޑައިގަތެވެ.
ޗައިނާގެ ބީޔޫސީޖީއަށް މި މަސައްކަތް ހަވާލު ކުރުމަށްފަހު އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފު މުހައްމަދު ވިދާޅުވީ، ކުރީގެ ރަންވޭއަކީ 1976 ވަނަ އަހަރު ހެދިތަނެއް ކަމަށާ މިއީ ވީއައިއޭގެ އެންމެ މުހިންމު އިންފްރާސްޓްރަކްޗާ އެވެ.
ބީޖޫސީޖީއަކީ ވީއައިއޭގެ އެންމެ މުހިންމު މަސައްކަތް ކުރާ ކުންފުންޏެވެ. އެ ކުންފުނިން ވަނީ ޗައިނާގެ އެގްޒިމް ލޯނެއްގެ ދަށުން 3،400 މީޓަރު އަދި ފުޅާމިނުގައި 60 މީޓަރުގެ އާ ރަންވޭއެއް ތަރައްގީކޮށްފަ އެވެ.
ކޮމެންޓް
Republic of Maldives