މައުމޫންގެ އެމްއާރްއެމް އުވާލަނީ، ދަރަންޏެއް އޮތްނަމަ ހުށައަޅަން އެދިއްޖެ
އެ ޕާޓީން އަދާކުރަން ޖެހޭ ދަރަންޏެއް އޮތްނަމަ ޕާޓީގެ އޮފީސް -- މއ. މާރާދައާގެ ދެވަނަ ފަންގިފިލާއަށް ހުށައަޅާ އެކަން ނިންމުމަށް އެދޭ ކަމަށް އީސީން ވަނީ ބުނެފަ އެވެ.
މޯލްޑިވްސް ރިފޯމް މޫވްމަންޓް (އެމްއާރްއެމް) އުވާލުމުގެ މަސައްކަތް ކުރަމުން އަންނަ ކަމަށާ އެ ޕާޓީން އަދާކުރަން ޖެހޭ ދަރަންޏެއް އޮތްނަމަ އެ ޕާޓީގެ އޮފީހަށް ހުށައެޅުމަށް އިލެކްޝަންސް ކޮމިޝަނުން އެދިއްޖެ އެވެ.
ސިޔާސީ ޕާޓީތަކުގެ ގާނޫނުގައި ލާޒިމު ކުރާ އަދަދަށް މެންބަރުން ހަމަނުވާތީ އެމްއާރްއެމް އުވާލަން ކުރީންވެސް އިލެކްޝަންސް ކޮމިޝަނުން ނިންމި އެވެ. ނަމަވެސް އެ ނިންމުން އިލެކްޝަންސް ކޮމިޝަނުން ނިންމީ ގާނޫނާއި ހިލާފަށް ކަމަށް ކަނޑައަޅަން އެ ޕާޓީން ކޯޓަށް ދިޔަ އެވެ. މައްސަލަ ނިމުނީ ވެސް އެ ޕާޓީގެ ކޮޅަށެވެ.
އޭގެ ފަހުން އޮގަސްޓް 25 ވަނަ ދުވަހު އިލެކްޝަންސް ކޮމިޝަނުން ވަނީ ސިޔާސީ ޕާޓީތަކުގެ ގާނޫނުގައި ލާޒިމު ކުރާ އަދަދަށް މެންބަރުން ހަމަނުވާތީ އެމްއާރްއެމް އުވާލަން އަލުން ނިންމާފަ އެވެ. މިއަދު އެ ކޮމިޝަނުން ކުރި އިއުލާނެއް ގައި ބުނީ އެމްއާރްއެމް އުވާލުމުގެ މަސައްކަތް ކުރަމުން އަންނަ ކަމަށެވެ.
އެ ޕާޓީން އަދާކުރަން ޖެހޭ ދަރަންޏެއް އޮތްނަމަ ޕާޓީގެ އޮފީސް -- މއ. މާރާދައާގެ ދެވަނަ ފަންގިފިލާއަށް ހުށައަޅާ އެކަން ނިންމުމަށް އެދޭ ކަމަށެވެ. އެ ފުރުސަތު އަންނަ މަހުގެ 10 ވަނަ ދުވަހުގެ ނިޔަލަށް އޮތް ކަމަށް ވެސް ބުންޏެވެ.
އެ ހުއްދަ ކޮމިޝަނުން ދިނީ އޭގެ ނުވަ ދުވަސް ފަހުން ފެބްރުއަރީ 19، 2019 ގައެވެ.
ނަމަވެސް މައުމޫން ކުރީން އުފެއްދެވި ފަދަ -- ދިވެހި ރައްޔިތުންގެ ޕާޓީ (ޑީއާރުޕީ) އާއި ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ފަދަ ވަރުގަދަ ޕާޓީއަކަށް އެމްއާރްއެމް ނުހެއްދެވުނެވެ. އެމްއާރްއެމް ގައި އިސްކޮށް ހުންނެވީ މައުމޫންގެ ދަރިކަލުން ފާރިސް މައުމޫނެވެ. އެ ޕާޓީގެ މިހާރުގެ ރައީސަކީ ވެސް ފާރިސް އެވެ.
މެންބަރުން އިތުރުކޮށް ކާމިޔާބު ޕާޓީއަކަށް އެމްއާރްއެމް ހެދުމުގައި ފާރިސްއަށް ކާމިޔާބު ހޯއްދެވޭ ގޮތެއް ނުވި އެވެ.
ކޮމެންޓް
Republic of Maldives