އެއާޕޯޓް އެކްސްޑެންޓް | އެކްސިޑެންޓްވީ ހާޓް އެޓޭކެއް ޖެހިގެން
ނިޔާވެފައިވަނީ އެމްއޭސީލްގެ ރޭޕް ބައިގައި ވެހިކަލް ދުއްވުމުގެ ވަޒީފާގައި 2020 ވަނަ އަހަރުން ފެށިގެން މަސައްކަތް ކުރަމުން ދިޔަ 45 އަހަރުގެ ފިރިހެނެކެވެ.
ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި މިއަދު އެކްސިޑެންޓް ހިނގަން މެދުވެރިވީ ވެހިކަލް ދުއްވަން އިން މީހާއަށް ހާޓް އެޓޭކެއް ޖެހިގެން ކަމަށް އެނގިއްޖެ އެވެ.
ދަ މިރާ އަށް އެނގިފައިވާ ގޮތުގައި މޯލްޑިވްސް އެއާޕޯޓް ކޮމްޕެނީ (އެމްއޭސީއެލް) ގައި 2020 ވަނަ އަހަރުން ފެށިގެން ރޭޕް ރޭޕް ސައިޑުގައި އެއާޕޯޓް ވެހިކަލް ދުއްވުމުގެ ވަޒީފާ އަދާ ކުރަމުން ދިޔަ 45އ. ގެ އަސްލަމް އާދަމް ނިޔާވީ ހާޓް އެޓޭކެއް ޖެހިގެންނެވެ. ވީއައިއޭގައި އެކްސިޑެންޓް ހިންގަން މެދުވެރިވީ އަސްލަމް ވެހިކަލް ދުއްވަމުން ގެންދަނިކޮށް ހާޓްއެޓޭކް ޖެހި ވެހިކަލްގެ ކޮންޓްރޯލް ގެއްލިގެން ކަމަށް އެނގިފައިވެ އެވެ.
މި ހާދިސާއާ ގުޅިގެން އެމްއޭސީއެލް އިން ވަނީ އަސްލަމްގެ އާއިލާއަށް ތައުޒިޔާ ފޮނުވާފަ އެވެ.
ވީއައިއޭގައި ހިނގި މި ހާދިސާއާ ބެހޭ ގޮތުން ފުލުހުން ބުނީ އެއާޕޯޓު ލަގެޖު އުފުލާ ވެހިކަލެއް ދުއްވާފައި ދަނިކޮށް ލައިޓް އަދި ކެމެރާ ސްޓްރަކްޗާ ހަރުކޮށްފައިވާ ބުޑުގަނޑުގައި ޖެހި އެކްސިޑެންޓެއަ ހިނގާފައިވާ ކަމުގެ ރިޕޯޓު ލިބިފައިވާ ކަމަށެވެ. ވެހިކަލް ދުއްވަން އިން މީހާ އެންމެ ފުރަތަމަ ގެންދިޔައީ އެއާޕޯޓު ކުލިނިކަށެވެ. އަދި އިތުރު ފަރުވާ އަށް 9:28 ހާއިރު އައިޖީއެމްއެޗަށް ގެންދިޔަ ކަމަށް ވެސް ބުނެފައިވެ އެވެ. އެހެން ނަމަވެސް ކުލިނިކަށް ގެންދިޔަ އިރުވެސް މީހާ މަރުވެފައިވާ ކަމަށް ފުލުހުން ބުންޏެވެ.
ކޮމެންޓް
Republic of Maldives