ސްޓެލްކޯ ގަދަ: މަރުކަޒު މުންނާރު ކައިރީގައި މަސްފެންގަނޑު ހެދުމުގެ މަސައްކަތް ފަށައިފި
ކުޑަދުވަސްކޮޅެއްގެ ތެރޭގައި ސްޓެލްކޯގެ މުވައްޒިފުން މި ވަނީ އެ މަސައްކަތް ފަަށާފަ އެވެ.
ސްޓެލްކޯގެ ސީއެސްއާރްގެ ދަށުން، އިސްލާމީ މަރުކަޒުގެ މުންނާރު ދަށުގައި މަސްފެންގަނޑެއް ހަދައިދޭން އެއްބަސްވެ އެ މަސައްކަތް ފަށައިފި އެވެ.
މަރުކަޒުގެ މުންނާރު ދަށުގައި މަސްފެންގަނޑު މަރާމާތުކޮށް ބަލަހައްޓާނެ ފަރާތެއް ހޯދުމަށް އިއުލާންކުރި އެވެ. ނަމަވެސް މާލީ ދަތި މި ދުވަސްވަރު އެކަން ކުރަން އުޅޭތީ ވަރަށް ފާޑުކިޔުން އަމާޒުވުން އިއުލާން ވަނީ ފަހުން ބާތިލު ކޮށްފައެވެ.
އެއީ މުހިންމު ކަމަކަަށްވާތީއާއެކު އެ މަސައްކަތް ކޮށް ދިނުމަށް ކަރަންޓް ކުންފުނިން ޝައުގުވެރިކަން ފާޅުކުރި އެވެ. އަދި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީއާ އިސްލާމީ ކަންތައްތާއި ބެހޭ ވަޒީރު ޑރ.މުހައްމަދު ޝަހީމް އަލީ ސައީދުއާ ބަައްދަލުކޮށް އެކަން ހިއްސާ ކުރެއްވި އެވެ.
އަދި ކުޑަދުވަސްކޮޅެއްގެ ތެރޭގައި ސްޓެލްކޯގެ މުވައްޒިފުން މި ވަނީ އެ މަސައްކަތް ފަަށާފަ އެވެ.
މިއީ ސްޓެލްކޯގެ ސީއެސްއާރްގެ ދަށުން ކުރާ މަސައްކަތެކެވެ.
މިކަމާއި ގުޅިގެން ސްޓެލްކޯގެ އެމްޑީ ހުސައިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ، ރާއްޖޭގެ ސަގާފީ އަދި ދީނީ ތަންތަން ހިމާޔަތްކުރުމަށް އެހީތެރިވުމުގެ ފުރުސަތުތައް ހޯދުމަކީ އެ ކުންފުންޏަށް ލިބޭ ޝަރަފެއް ކަމަށެވެ.
ފަހުމީ ވިދާޅުވީ އިސްލާމީ މަރުކަޒުގެ މުންނާރުގެ ތިރީގައި ވާ ފެންގަނޑަކީ ތާރީހީ މުހިންމު ތަނެއް ކަމަށާއި އެ ތަނަކީ ވަރަށް ހިތްގައިމު ތަނެއްގެ ގޮތުގައި ދެމިއޮތުމަށް އެކުންފުނި މަސައްކަތް ކުރައްވާނެ ކަމަށެވެ.
"މިތަން އަލުން އިއާދަކޮށް، މިތަން ތަރައްގީ ކުރުމަށް ތި ވުޒާރާގެ ޓީމާ ގުޅިގެން މަސައްކަތް ކުރާނެ ކަމަށް އުއްމީދު ކުރަން،". އޭނާ ވިދާޅުވިއެވެ.
ކޮމެންޓް
Republic of Maldives