ސްނޯކްލިން އަށް ގޮސް އުޅުނު ޓޫރިސްޓެއް މަރުވެއްޖެ
މި ޓޫރިސްޓަކީ އއ. ރަސްދޫގައި ޗުއްޓީ ހޭދަ ކުރަމުން ދިޔަ މީހެއް ކަމަށް ފުލުހުން ބުނެފައިވެ އެވެ.
އއ، ރަސްދޫގައި ޗުއްޓީ ހޭދަކުރަން އައިސް އުޅުނު ޗައިނާ ޓޫރިސްޓެއް ދަނގެތި އައިލެންޑް ރިސޯޓު ކައިރިއަށް ސްނޯކްލީންއަށް ގޮސް އުޅެނިކޮށް މަރުވެއްޖެ އެވެ.
ފުލުހުން ބުނީ އއ. ކަންގެހި ރިސޯޓް ކައިރިއަށް ސްނޯކްލިންއަށް ދިޔަ ޗައިނާ ޓޫރިސްޓެއް ގެނބިގެން ރަސްދޫ ހެލްތް ސެންޓަރަށް ގެނެސްފައިވާ ކަމަށެވެ. ނަމަވެސް އޭރު ވަނީ އޭނާ މަރުވެފަ އެވެ.
މި ޓޫރިސްޓަކީ އއ. ރަސްދޫގައި ޗުއްޓީ ހޭދަ ކުރަމުން ދިޔަ މީހެއް ކަމަށް ފުލުހުން ބުނެފައިވެ އެވެ. އޭނާ ރިސޯޓް ކައިރީގައި ފީނަން އުޅުނީ އެކްސްޗާޝަންއަށް ގޮހެވެ. މި ޓޫރިސްޓަކި އުމުރުން 27 އަހަރުގެ މީހެވެ. ފުލުހުން ދަނީ މި މައްސަލަ ތަހުގީގު ކުރަމުންނެވެ.
ޗުއްޓީ ހޭދަކުރަން ރާއްޖެ އައިސް އުޅޭ ޓޫރިސްޓުން ގެނބިގެން މަރުވުމަކީ ހިނގާ ކަމެކެވެ. މިދިޔަ މަހެއްހާ ދުވަހުގެ ތެރޭގައި މީގެ ދެތިން ހާދިސާ ހިނގާފައިވެ އެވެ. މިފަދަ ހާދިސާތައް ގިނަވާތީ ޓޫރިޒަމް މިނިސްޓަރީން ޓޫރިސްޓުން އެކްސްކާޝަންއަށް ގެންދާ ފަރާތްތަކުން ސަމާލު ވުމަށް އަބަދުވެސް އިލްތިމާސް ކުރެ އެވެ.
ކޮމެންޓް
Republic of Maldives