ވެމްކޯއިން އިލެކްޓްރޯނިކް ކުނި އުކާލަން ފުރުސަތު ހުޅުވާލައިފި

ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އިން  މިއަދު އިލެކްޓްރޯނިކް ކުނި ހިލޭ އުކާލުމުގެ ފުރުސަތު ހުޅުވާލައިފި އެވެ. 

ދުނިޔޭގެ އިލެކްޓްރޯނިކްސް ކުނީގެ ދުވަސް ފާހަގަ ކުރުމުގެ ގޮތުން ވެމްކޯއިން އާއްމުނަށް ހުޅުވާލި ފުރުސަތުގައި ވެމްކޯ އިން ވަނީ ޓްރާންސްފާ ސްޓޭޝަންތަކުން ހިލޭ އީ-ވޭސްޓް ޑްރޮޕް އޮފް ކުރުމުގެ ފުރުސަތު ހުޅުވާލާފަ އެވެ. މި ފުރުސަތު ލިބޭނީ މިއަދު ހެނދުނު 9:00 އިން ރޭގަނޑު 10:00 ގެ ނިޔަލަށް މާލެ، ހުޅުމާލެ، އަދި ވިލިމާލޭގަ އެވ.

އީވޭސްޓް ކުނީގެ ދުވަސް- އީ-ވޭސްޓް ދުވަސް ފާހަގަކުރަނީ ކޮންމެ އަހަރެއްގެ ވެސް އޮކްޓޫބަރު 14 ގައެވެ. މިއީ އީ-ވޭސްޓް ރީސައިކަލް ކުރުމުގެ މުހިންމުކަން އާންމުންގެ މެދުގައި ހޭލުންތެރިކުރުވުމަށް 2018 ވަނަ އަހަރު ވޭސްޓް ފްރޮމް އިލެކްޓްރިކަލް އެންޑް އިލެކްޓްރޯނިކް އިކުއިޕްމަންޓް (ޑަބްލިޔުއީއީ) ފޯރަމް އިން ތައާރަފު ކުރި ދުވަހެވެ،

އީވޭސްޓް ކުންޏަކީ ތިމާވެއްޓަށް ބޮޑެތި ގެއްލުންތަކެއް ކުރިމަތިވާ ކުނީގެ ބާވަތްތަކެވެ. މި ކުނި އެކަަށީގެންވާ ރައްކާތެރިކޮށް ނައްތާ ނުލައިިފިނަމަ ބޮޑެތި ގެއްލުންތަކާ ކުރިމަތިވެ އެވެ.