އައިޕީޔޫ ބައްދަލުވުމަށް އަބްދުއްރަހީމް ޖެނީވާއަށް
ރައްޔިތުންގެ މަޖިލީހުގެ ރައީސްގެ ހަައިސިއްޔަތުން އަބްދުއްރަހީމް ކުރައްވާ ދެވަނަ ދަތުރުފުޅުގައި ޖެނީވާއަށް ފުރާވަޑައިގެންފައިވާއިރު އެމަނިކުފާނުގެ އަރިހުގައި މަޖިލީހުގެ ބައެއް މެންބަރުންވެސް މި ދަތުރުފުޅުގައި ބައިވެރިވެވަޑައިގަންނަވަ އެވެ.
އިންޓަ ޕާލިމަންޓަރީ ޔޫނިއަނުގެ އާންމު ބައްދަލުވުމުގައި ބައިވެރިވެވަޑައިގަތުމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ރޭ ޖެނީވާއަށް ފުރާވަޑައިގެންފި އެވެ.
ރައްޔިތުންގެ މަޖިލީހުގެ ރައީސްގެ ހަައިސިއްޔަތުން އަބްދުއްރަހީމް ކުރައްވާ ދެވަނަ ދަތުރުފުޅުގައި ޖެނީވާއަށް ފުރާވަޑައިގެންފައިވާއިރު އެމަނިކުފާނުގެ އަރިހުގައި މަޖިލީހުގެ ބައެއް މެންބަރުންވެސް މި ދަތުރުފުޅުގައި ބައިވެރިވެވަޑައިގަންނަވަ އެވެ.
ދަތުރުފުޅުގައި ބައިވެރިވެވަޑައިގަންނަވާ މެންބަރުން
- ވިލިމާލޭ ދާއިރާގެ މެންބަރު މުހައްމަދު އިސްމާއީލު
- ފުވައްމުލަކު މެދު ދާއިރާގެ މެންބަރު އަލީ ފަޒާދު
- ހުޅުދޫ ދާއިރާގެ މެންބަރު މުހައްމަދު ޝާހިދު
- ކަނޑިތީމު ދާއިރާގެ މެންބަރު އަމީން ފައިސަލު
މިއަދުން ފެށިގެން އަންނަ މަހުގެ 17 ވަނަ ދުވަހުގެ ނިޔަލަށް ބާއްވާ އައިޕީޔޫގެ އެސެމްބްލީގައި މަޖިލީހުގެ ރައީސް ތަގުުރީރު ކުރައްވާނެ އެވެ. މި ބައްދަލުވުމުގެ ތީމެއްގެ ގޮތުގައި ކަނޑައަޅާފައިވަނީ ސުލްހަވެރި އަދި ދެމެހެއްޓެނެވި މުސްތަގުބަލަކަށްޓަކައި ސިއިންސާއި ޓެކްނޮލޮޖީއާއި އީޖާދުކުރުމުގެ ބޭނުން ހިފުމެވެ.
މީގެ ކުރިން މަޖިލީހުގެ ރައީސްގެ ހައިސިއްޔަތުން އަބްދުއްރަހީމް ބައިވެރިވެވަޑައިގެންނެވި ބޭރުގެ ބައްދަލުވުމަކީ އައިޕީޔޫގެ ފަރާތުން ދެމެހެއްޓެނެވި ތަރއްގީގެ ލަނޑުދަނޑިތައް ހާސިލުކުރުމުގައި ގާނޫނު ހަދާ މަޖިލިސްތައް މެދުވެރިކޮށް ތަންފީޒުކުރެވޭނެ ކަންކަމާ ގުޅޭ ގޮތުން ޗައިނާގައި އޮތް ބައްދަލުވުމެވެ.
ރައްޔިތުންގެ މަޖިލީހުގެ ތިންވަނަ ދައުރުގެ ފުރަތަމަ ޖަލްސާ މާދަމާ އޮންނާނެ އެވެ. ނިމުނު ހަފުތާގައި ޖަލްސާތައް ފެށުމަށް ތާވަލުކުރި ނަމަވެސް މަޖިލީހުގެ ބްރޯޑްކާސްޓިން ރޫމުގެ މަސައްކަތް ނުނިމޭތީ އެ ޖަލްސަ މިހަފުތާއަށް ފަސްކުރީ އެވެ.
ކޮމެންޓް
Republic of Maldives