ސައިކަލަކުން ޖެހި ތިން އަހަރުގެ ކުއްޖަކަށް އަނިޔާ ވެއްޖެ

ސައިކަލަކުން ޖެހި ތިން އަހަރުގެ ކުއްޖަކަށް އަނިޔާ ވެއްޖެ އެވެ.

އެކްސިޑެންޓް ހިނގީ ކަފިހި ހުރަހުން ކުއްޖާ މަގުހުރަސް ކުރަނިކޮށް ސައިކަލެއްގައި ޖެހިގެންނެވެ.

ކުއްޖާއަަށް ބޭރުފުށުން ބޮޑު އަނިޔާއެއް ނުވެ އެވެ. ނަމަވެސް ވެއްޓި ޖެހި ނިއްކުރި ދުޅަވެފައިވެ އެވެ. އެ ކުއްޖާއަށް އައިޖީއެމްެއެޗް ގައި ދަނީ ފަރުވާ ދެމުންނެވެ.

އަނިޔާވީ ތިން އަހަރުގެ އަންހެން ކުއްޖަކަށެވެ.

މި އެކްސިޑެންޓާ ގުޅޭގޮތުން ފުލުހުން ބުނީ ސައިކަލު ދުއްވަން އިނީ ދިވެހި ފިރިހެނެއް ކަމަަށާ އޭނާ އަތުގައި ލައިސަންސް އޮންނަ ކަމަށެވެ.

ސައިކަލު ޖެހި ކުއްޖާގެ ނިއްކުރި ދުޅަވެ ފަރުވާ ދެމުންދާ ކަމަށް ވެސް ބުންޏެވެ. އަދި ބުނީ އެކްސިޑެންޓްގެ މައްސަލަ ތަހުގީގު ކުރަމުންދާ ކަމަށެވެ.