ޕިކަޕު ބެޓަރީތަކެއް ވަގަށް ނެގި ދެ މީހަކު ހައްޔަރުކޮށްފި
އެމީހުން ދަތުރުކުރި ޕިކަޕުގައި ތިބި މީހުންނާމެދު ޝައްކު ކުރެވިގެން ޕިކަޕް ހުއްޓުވައި ފުލުހުން ބަލައިފާސްކުރިއިރު ވަގަށް ނަގާފައިވާ ކަމަށް ބެލެވޭ ޕިކަޕް ބެޓަރީގެ 12 ބެޓަރީ ފެނިފައިވާކަމަށް ފުލުހުން ބުނެފައިވެ އެވެ.
މި މައްސަލައާ ގުޅިގެން ފުލުހުން މިއަދު މީޑިޔާއަށް މައުލޫމާތު ދިން ގޮތުގައި ހައްޔަރުކޮށްފައިވަނީ ސ.މަރަދޫފޭދޫ، މާކަރީ ލައިޓް، އުމުރުން 32 އަހަރުގެ އަލީ އަހުސަނާއި ސ.ފޭދޫ، އަނަސް، އުމުރުން 43 އަހަރުގެ މުހައްމަދު ނަޒީދެވެ.
ފުލުހުން ބުނި ގޮތުގައި މި ދެމީހުން ހައްޔަރުކުރީ މާލޭގެ ފަރީދީ މަގާއި ޗާންދަނީ މަގު ގުޅޭ ހިސާބުން ދުއްވާފައި ދިޔަ ޕިކަޕަކުންނެވެ.
އެ ޕިކަޕުގައި ތިބި މީހުންނާމެދު ޝައްކު ކުރެވިގެން ޕިކަޕް ހުއްޓުވައި ފުލުހުން ބަލައިފާސްކުރިއިރު ވަގަށް ނަގާފައިވާ ކަމަށް ބެލެވޭ ޕިކަޕް ބެޓަރީގެ 12 ބެޓަރީ ފެނިފައިވާކަމަށް ފުލުހުން ބުނެފައިވެ އެވެ.
އިތުރަށް ފުލުހުން ބުނެފައިވަނީ އެ މައްސަލަ އެ އިދާރާއިން ތަހުގީގުކުރަމުންދާ ކަމަށެވެ.
ކޮމެންޓް
Republic of Maldives