45 އަހަރުން ދަށުގެ އަންހެނުންނަށް މަހުރަމަކާ ނުލައި އުމްރާނުވެވޭ ގޮތަށް އޮތް މާއްދާ އުވައިލަން އަންގަވައިފި
މިރޭ ޑރ.ޝަހީމު ނޫސްވެރިންނަށް މައުލޫމާތު ދެއްވަމުން ވިދާޅުވެފައިވަނީ އުސޫލުގައި ވަކި އުމަރަކުން ދަށުގެ އަންހެނުންނަށް މަހުރަމެއް ނެތި އުމްރާއަށް ނުދެވޭ ގޮތަށް އޮންނަ މާއްދާ އުނިކުރުމަށް އަންގަވާފައިވާނެ ކަމުގަ އެވެ.
މަހުރަމަކާ ނުލައި އުމުރުން 45 އަހަރުން ދަށުގެ އަންހެނުންނަށް އުމްރާނުވެވޭ ގޮތަށް އުމްރާއަށް މީހުން ގެންދިއުމާ ގުޅޭ އުސޫލުގައި އޮންނަ މާއްދާ އުވައިލަން އިސްލާމިކް މިނިސްޓަަރު ޑރ.މުހައްމަދު ޝަހީމް އަލީ ސައީދު އަންގަވައިފި އެވެ.
ސައުދީ އަރަބިއްޔާއިން ކުރިން އަމަލުކުރަމުން އައި އުމްރާއާއި ހައްޖުގެ އުސޫލުގައި މަހުރަމެއް ނެތި ވަކި އުމުރަކުން ދަށުގެ އަންހެނުންނަށް ހައްޖަށާއި އުމްރާއަށް ނުދެވެ އެވެ. ނަމަވެސް މިހާރު ސައުދީއަށް ގެންނަން ފަށާފައިވާ އިސްލާހީ ފިޔަވަޅުތަކުގެ ތެރެއިން އެ އުސޫލު އުނިކޮށްފައިވެ އެވެ.
ރާއްޖޭގައިވެސް މީހުން އުމްރާއަށް ގެންދިއުމާ ބެހޭ އުސޫލުގައި އަބަދުވެސް އުމްރާއަށް މަހުރަމަކާ ނުލައި އަންހެނުން ގެންދިއުން މަނާކޮށްފައި އޮވެ އެވެ. އެ އުސޫލު އަބަދުވެސް އެކުލަވައިލަނީ އެއިރެއްގައި ސައުދީ އަރަބިއްޔާއިން އަމަލުކުރާ އުސޫލަށް ރިއާޔަތްކޮށްގެންނެވެ.
މިރޭ ޑރ.ޝަހީމު ނޫސްވެރިންނަށް މައުލޫމާތު ދެއްވަމުން ވިދާޅުވެފައިވަނީ އުސޫލުގައި ވަކި އުމަރަކުން ދަށުގެ އަންހެނުންނަށް މަހުރަމެއް ނެތި އުމްރާއަށް ނުދެވޭ ގޮތަށް އޮންނަ މާއްދާ އުނިކުރުމަށް އަންގަވާފައިވާނެ ކަމުގަ އެވެ.
އެ މާއްދާ އުނިކުރުމަށް އެންގެވީ ސައުދީގެ ގަވާއިދުތަކުން ވަރަށް ފަހުން އެ މާއްދާ އުނިކޮށްފައިވާތީ ކަމުގައިވެސް މިނިސްޓަރު ވިދާޅުވި އެވެ.
ކުރިން އަހަރަކު ދެ ފަހަރު ހުޅުވާލައިގެން ކުރިމަތިލާ ފަރާތްތަކަށް އުމްރާކުރުމަށް ހުއްދަ ދެމުން އައި އުސޫލު އުވައިލާ އަހަރުގެ ކޮންމެ ހިސާބެއްގައިވެސް އުމްރާއަށް މީހުން ގެންދިއުމަށް ހުއްދަ ހޯދޭ ގޮތަށް ސަރުކާރުންވަނީ އުސޫލު އެކުލަވައިލާފަ އެވެ.
ކޮމެންޓް
Republic of Maldives