ހިންނަވަރުގައި އުފައްދާ އަތުޖެހީގެ ބްރޭންޑެއް ހުއްދަ ނުނަގާ ވިއްކާތީ ސަމާލުވާން އަންގައިފި
ޅ. ހިންނަވަރުގައި އުފައްދާ އަތުޖެހީގެ ބާވަތެއް ހުއްދަ ނުނަގައި ވިއްކަމުންދާތީ، ގަންނަ ފަރާތްތަކުން ސަމާލުވާން މޯލްޑިވްސް ފުޑް އެންޑް ޑްރަގް އޮތޯރިޓިން އަންގައިފިއެވެ.
އެމްއެފްޑީއޭއިން މިއަދު ނެރުނު ނޫސްބަޔާނެއްގައި ބުނީ "ބްރައިތް ވިއު ހިންވަރަު އަތުޖެހި" އަކީ އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްކުމުގެ މަސައްކަތްކުރާ ފަރާތްތައް ދަފްތަރު ކުރުމުގެ އުސޫލުގައި ދަފުތަރު ކޮށްފައިވާ ފަރާތެއް ނޫން ކަމަށެވެ.
އެމްއެފްޑީއޭއިން ބުނީ އެ އުފެއްދުމުގައި ބޭނުންކޮށްފައިވާ ނަންބަރަކީ ވެސް އެ އުސޫލުގެ ދަށުން ދޫކޮށްފައިވާ ނަންބަރެއް ނޫން ކަމަށެވެ.
އޭގެ އިތުރުން އެމްއެފްޑިއޭއިން ބުނީ އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްކުމުގެ މަސައްކަތްކުރާ ފަރާތްތައް ދަފްތަރު ކުރުމުގެ އުސޫލުގެ ދަށުން ދަފްތަރުކޮށްފައިވާ ފަރާތްތަކުގެ މައުލޫމާތު އެމްއެފްޑީއޭގެ "ދިރިތި" ޕޯޓަލްއިން ފެންނަން ހުންނާނެ ކަމަށެވެ.
އެހެންކަމުން ކޯބާތަކެތި ގަތުމުގައި އެކަމަށް ހާއްސަ ސަމާލުކަމެއް ދިނުމަށް އެމްއެފްޑީއޭއިން ވަނީ އެދިފައެވެ. އަދި އުސޫލާ ހިލާފަށް އެއްވެސް ފަރާތުން ކާބޯތަކެތި ވިއްކަމުންދާނަމަ، އެކަމުގެ މައުލޫމާތު ހިއްސާކުރުމަށް އެމްއެފްޑީއޭއިން ވަނީ އެދިފައެވެ.
ކޮމެންޓް
Republic of Maldives