އެންމެ ބޮޑު ޝިޕިންލައިން، އެމްއެސްސީގެ ދަތުރުތައް ރާއްޖެއަށް ފަށައިފި
އެމްއެސްސީ އިން ރާއްޖެއަށް އައި ފުރަތަމަ ބޯޓު ކަމަށްވާ "މަނާސާ އެފް" ވަނީ އިއްޔެ މާލޭގައި ބަނދަރުކޮށްފަ އެވެ. މި ބޯޓަށް މަރުހަބާ ކިއުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވަނީ އިއްޔެ ވޯޓަ ސެލިއުޓްއެއް ދީފަ އެވެ.
ދުނިޔޭގެ އެންމެ ބޮޑު ޝިޕިންލައިން ކަމަށްވާ މެޑިޓެރޭނިއަން ޝިޕިން ކޮމްޕެނީ (އެމްއެސްސީ)ގެ ދަތުރުތައް ރާއްޖެއަށް ފަށައިފި އެވެ.
އެމްއެސްސީ އިން ރާއްޖެއަށް އައި ފުރަތަމަ ބޯޓު ކަމަށްވާ "މަނާސާ އެފް" ވަނީ އިއްޔެ މާލޭގައި ބަނދަރުކޮށްފަ އެވެ. މި ބޯޓަށް މަރުހަބާ ކިއުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވަނީ އިއްޔެ ވޯޓަ ސެލިއުޓްއެއް ދީފަ އެވެ.
އެމްއެސްސީގެ ފުރަތަމަ ބޯޓަށް މަރުހަބާ ކިއުމަށް އެމްޕީއެލް އާއި އެމްއެސްސީގެ ލޯކަލް އޭޖެންޓް، ސެންޗޫރިއަންއާ ގުޅިގެން މިއަދު ހެނދުނު މާލޭ ވިޔަފާރި ބަނދަރުގައި ރަސްމިއްޔާތެއް ވަނީ ބާއްވާފަ އެވެ. މި ރަސްމިއްޔާތުގައި އެ ބޯޓުގެ ކެޕްޓަނަށް އެމްޕީއެލް އަދި ސެންޗޫރިއަންގެ ފަރާތުން ހަނދާނީ ފިލައެއް ވަނީ އަރުވާފަ އެވެ.
މި ރަސްމިއްޔާތުގައި ވާހަކަދައްކަވަމުން އެމްޕީއެލްގެ ސީއީއޯ މުހައްމަދު ވަޖީހް އިބްރާހިމް ވަނީ އެމްއެސްސީގެ ދަތުރުތައް ރާއްޖެއަށް ފެށުމަށް ސެންޗޫރިއަން އިން ކުރި މަސައްކަތަށް ޝުކުރު އަދާކޮށްފަ އެވެ. އަދި މާލޭ ވިޔަފާރި ބަނދަރުގެ ހިދުމަތްތައް ހަރުދަނާކުރުމަށް މިހާރުވެސް ގިނަ މަސައްކަތްތަކެއް ކުރަމުންދާކަން ވަޖީހު ވަނީ ވިދާޅުވެފަ އެވެ.
ސެންޗޫރިއަންގެ މެނޭޖިން ޑިރެކްޓަރު އައިމަން ޖަލީލް ވިދާޅުވީ އެމްއެސްސީގެ ދަތުރުތައް ރާއްޖެއަށް ފެށުމުގައި އެންމެ ބޮޑު އެހީތެރިކަމެއް ލިބުނީ އެމްޕީއެލްގެ ފަރާތުން ކަމަށެވެ. އަދި މި ދަތުރުތައް ރާއްޖެއަށް ފެށުމަކީ ވިޔަފާރީގެ ދާއިރާއަށް ލިބުނު ކުރިއެރުމެއް ކަމަށް ވެސް އޭނާ ވިދާޅުވެފައިވެ އެވެ.
އެމްއެސްސީގެ ބޯޓުން 800 ކޮންޓެއިނަރު ވަނީ ރާއްޖެ ގެނެސްފަ އެވެ. އޭގައި މުޅިން ވެސް ހިމެނެނީ ޖެނެރަލް ކާގޯ ކަމަށް އެމްޕީއެލް އިން މައުލޫމާތުދެ އެވެ.
ކޮމެންޓް
Republic of Maldives