ލޯންޗު ދުއްވި ތިން މީހުންގެ ލައިސެންސް ހިފަހައްޓައިފި، ފިޔަވަޅު އެޅުން ޓްރާންސްޕޯޓަށް
މި މައްސަލައާ ގުޅިގެން މިއަދު ފުލުހުން ބުނެފައިވަނީ ނުރައްކާތެރިކޮށް ލޯންޗު ދުއްވި މައްސަލައާ ގުޅިގެން ލޯންޗު ދުއްވި ތިން މީހުންގެ ލައިސެންސްވެސް ވަގުތީ ގޮތުން ހިފަހައްޓާފައިވާ ކަމަށެވެ.
ނުރައްކާތެރިކޮށް ދުއްވި ލޯންޗުތައް ދުއްވަން ތިބި ތިން މީހުންގެ ލައިސެންސް ހިފަހެއްޓުމަށްފަހު އެމީހުންނާމެދު އިތުރު ފިޔަވަޅުއެޅުމަށް ޓްރާންސްޕޯޓު މިނިސްޓްރީއަށް ފޮނުވައިފި އެވެ.
ނުރައްކާތެރިކޮށް ލޯންޗުތަކެއް ދުއްވާ މަންޒަރު ފެންނަ ވީޑިޔޯއެއް މީސްމީޑިޔާގައި ދައުރުވަނިކޮށް އެ މައްސަލަ ތަހުގީގުކުރަން ފަށާފައިވާކަމަށް ފުލުހުން ބުނެފައިވެ އެވެ.
ދައުރުވަމުންދިޔަ ވީޑިއޯއިން ފެންނަނީ ރޭސް ޖަހާ ގޮތަށް ދެ ލޯންޗު ދުއްވާފައި އައިސް ރަށެއްގެ ފަޅަށް ވަންނަ ތަނެވެ. އެއީ އއ. ތޮއްޑޫ އާއި މާލެއާ ދެމެދު ދަތުރުކުރާ ލޯންޗުތަކެވެ. އެ ލޯންޗުތައް ވަނީ ވެސް ތޮއްޑޫ ބަނދަރަށެވެ.
މި މައްސަލައާ ގުޅޭ ގޮތުން ފުލުހުން ބުނީ ސޯޝަލް މީޑިއާގައި އާންމުވި ވީޑިއޯ ފުލުހުންގެ ސަމާލު ކަމަށް އައިސްފައިވާ ކަމަށެވެ. މައްސަލައާ ގުޅިގެން މިހާތަނަށް މީހަކު ހައްޔަރެއް ނުކުރެ އެވެ. ނަމަވެސް ފުލުހުން ދަނީ މައްސަލަ ތަހުގީގު ކުރަމުންނެވެ.
"ވީޑިއޯގައި ހިމެނޭ ލޯންޗުތަކަކީ 2024 އޮގަސްޓް 13 ވަނަ ދުވަހު އއ. އަތޮޅަށް ދަތުރުކުރި ލޯންޗުތަކެއް ކަމަށް މިހާތަނަށް ބެލި ބެލުމުން އެނގިފައިވޭ،" މައްސަލައާ ގުޅޭ ގޮތުން ފުލުހުން ބުންޏެވެ.
މި މައްސަލައާ ގުޅިގެން މިއަދު ފުލުހުން ބުނެފައިވަނީ ނުރައްކާތެރިކޮށް ލޯންޗު ދުއްވި މައްސަލައާ ގުޅިގެން ލޯންޗު ދުއްވި ތިން މީހުންގެ ލައިސެންސްވެސް ވަގުތީ ގޮތުން ހިފަހައްޓާފައިވާ ކަމަށެވެ.
އަދި މައްސަލައާ ގުޅޭ ލިޔެކިޔުންތައް ފުލުހުން މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނަށް ފޮނުވުމުގެ މަސައްކަތް ކުރަމުން އަންނަ ކަމަށް ފުލުހުން ބުނެފައިވެ އެވެ.
"މި މައްސަލަައާ ގުޅިގެން އަޅާނެ ދާއިމީ ފޔަވަޅެއް ނިންމާނީ އެ މިނިސްޓްރީން،" ފުލުހުން ބުނެފައިވެ އެވެ.
އާންމުވި ވީޑިއޯއިން ފެންނަ ގޮތުގައި ރޭސް ޖަހަމުން ދިޔައީ "ނަސްރު" ނަމަކަށް ކިޔާ ލޯންޗަކާއި "ރިލެކްސް ގޯލްޑް" އަދި "ރަމްޒު ކުއީން" ނަމަކަށް ކިޔާ ލޯންޗެކެވެ.
ކޮމެންޓް
Republic of Maldives