މާރާމާރީ ހިންގި މީހަކު ޝަރީއަތް ނިމެންދެން ބަންދު ކުރުމަށް އަމުރުކޮށްފި
މުނީޒަކީ ތޫނު ހަތިޔާރު ބޭނުންކޮށްގެން މާރަމާރީ ހިންގުމާއި ފޭރުމުގެ ކުށުގެ ރެކޯޑު އޮންނަ ފަރާތެކެވެ.
ތޫނު ހަތިޔާރު ބޭނުންކޮށްގެން މާރާމާރީ ހިންގި މީހަކު ތަހުގީގު މަރުހަލާ އަދި ޝަރީއަތުގެ މަރުހަލާ ނިމެންދެން ބަންދު ކުރުމަށް ކުރިމިނަލް ކޯޓުންް އަމުރުކޮށްފިއެވެ.
ތޫނު ހަތިޔާރު ބޭނުންކޮށްގެން މާރާމާރީ ހިންގި މި މައްސަލައިގައި ޝަރީއަތް ނިމެންދެން ބަންދުކުރުމަށް އަމުރުކޮށްފައިވަނީ މއ. މަސްފަން، މުނީޒް، 37އ،ގެ މައްޗަށެވެ.
ބަންދު އަމުރުިގައިވާގޮތުން އޭނާ އާއި ދެކޮޅަށް، މި ކުށުގެ ތުހުމަތު ކުރެވޭ ވަރަށް ހެކި ހުށަހަޅާފައިވެއެވެ. އެގޮތުން އަނިޔާ ލިބުނު ފަރާތަށް މުނީޒް ތޫނު އެއްޗަކުން ހަމަލާދިން ކަމުގެ ތަފްސީލީ ބަޔާނާއި، އޭނާއަށް ލިބިފައިވާ އަނިޔާތައް ފެންނަ ފޮޓޯތައް ކޯޓަށް ވަނީ ހުށަހަޅާފައެވެ.
މުނީޒަކީ ތޫނު ހަތިޔާރު ބޭނުންކޮށްގެން މާރަމާރީ ހިންގުމާއި ފޭރުމުގެ ކުށުގެ ރެކޯޑު އޮންނަ ފަރާތެކެވެ.
މުނީޒް ހައްޔަރުކޮށްފައިވަނީ ޖިނާއީ އިޖުރާއަތުގެ ގާނޫނާއި ހިލާފަށް ކަމަށް އޭނާ ވަނީ ކޯޓުގައި ބުނެފައެވެ. އެހެން ނަމަވެސް ފުލުހުން ހުށަހަޅާފައިވާ ލިޔެކިޔުންތަކަށް ބަލައި އޭނާ ހައްޔަރުކުރީ ޖިނާއީ އިޖުރާއަތުގެ ގާނޫނާއި އެއްގޮތްވާ ގޮތުގެ މަތިން ކަމަށް ވަނީ ކަނޑައަޅާފައެވެ.
ކޮމެންޓް
Republic of Maldives