އުތުރަށް ޔެލޯ އެލާޓް، ދެކުނަށް ވައިޓް އެލާޓް

ރާއްޖޭގެ އުތުރާއި މެދުރާއްޖެތެރޭގެ އަތޮޅުތަކަށް ޔެލޯ އެލާޓް އަދި ދެކުނުގެ އަތޮޅުތަކަށް ވައިޓް އެލާޓް ނެރެފި އެވެ.

މިދުވަސްވަރަކީ ހުޅަނގު މޫސުމުގެ ބާރުގަދަވުމުގެ ސަބަބުން މުޅި ރާއްޖެއަށް ވެސް މޫސުން ގޯސް ދުވަސްވަރެކެވެ. އެހެންވެ، މިއަދުން ފެށިގެން ކުރިއަށް އޮތް ފަސް ދުވަހު މޫސުން ގޯސްވާނެ ކަމަށް މެޓް އޮފީހުން އިއްޔެ ވަނީ ބުނެފަ އެވެ.

މެޓުން މިއަދު ވަނީ ދެ އެލާޓެއް ނެރެފަ އެވެ. މޫސުން ގޯސްވުމުގެ ސަބަބުން ޔެލޯ އެލާޓް ނެރެފައި ވަނީ ހއ. އިން ފެށިގެން އދ. އަތޮޅަށެވެ. މި ސަރަހައްދަށް މިއަދު މެންދުރު 2:00 ގެ ނިޔަލަށް ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައިޖެހޭނެ ކަމަށް އެލާޓުގައިވެ އެވެ. އަދި ވިލާގަނޑުގައި ގަޑިއަކު 50 މޭލަށް ވައި ގަދަވެ، ކަނޑުތައް ގަދަވާނެ ކަމަށް ވެސް ލަފާކޮށްފައިވެ އެވެ.

ވައިޓް އެލާޓް ނެރެފައި ވަނީ ލ. އަތޮޅުން ފެށިގެން އައްޑޫ ސިޓީއަށެވެ. މިއަދު މެންދުރު 2:00 ގެ ނިޔަލަށް އެ ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ވަނީ ލަފާކޮށްފަ އެވެ.

މި ފަސް ދުވަހު ގަދަ ވަޔާއެކު ބޯކޮށް ވާރޭވެހި، ގުގުރައި، ދިޔަވަރު ބޮޑުވާ ގަޑިތަކުގައި އުދައިގެ އަސަރު ވެސް ކޮށްފާނެ ކަމަށް މެޓުން އިއްޔެ ވަނީ ބުނެފަ އެވެ. އެހެންކަމުން މޫސުމަށް ސަމާލުވުމަށް، ވަކިން ހާއްސަކޮށް ކަނޑު ދަތުރުފަތުރު ކުރާ ފަރާތްތަކުން މޫސުމަށް ސަމާލުވާން ވަނީ އިސްލާތިމާސްކޮށްފަ އެވެ.