ބުޅާ ފެސިލިޓީގެ ސެކިއުރިޓީ ބަލަހައްޓަން ހަތަރު ލައްކައަށް ކުންފުންޏަކާ ހަވާލުކޮށްފި
އެ ކުންފުންޏަށް މަސައްކަތް ހަވާލުކުރީ މި މަހުގެ ހަތްވަނަ ދުވަހުން ފެށިގެން އަންނަ އަހަރުގެ އޮކްޓޫބަރު މަހުގެ ހަވަނަ ދުވަހަށެވެ. މަސައްކަތުގެ އަގަކީ 466،482.24 ލާރި އެވެ.
މާލޭ މަގުމަތީގައި ގިނަ ވެފައިވާ ބުޅާތައް ބެލެހެއްޓުމަށް ހަދަން ފަށާފައިވާ ޕެޓް ކެއާ ފެސިލިޓީގެ ސެކިއުރިޓީ ބަލަހައްޓަން ކުންފުންޏަކާ ހަވާލުކޮށްފި އެވެ.
މާލެ ސިޓީ ކައުންސިލުން މިއަދު ބުނީ ހުޅުމާލެ ހިޔާ އަވަށުގައި ހަދަން ފަސާފައިވާ ކެޓް ޝެލްޓާ ގައި 24 ގަޑިއިރު ސެކިއުރިޓީ ބަލަހައްޓާނެ ކަމަށެވެ. އެ މަސައްކަތް ކުންފުންޏަކާއި ހަވާލުކޮށްފައިވާ ކަމަށް ވެސް ބުންޏެވެ.
މަސައްކަތް ހަވާލުކުރީ އޭޖޭ އެންޓަޕްރައިސަސް ޕްރައިވެޓް ލިމިޑެޓަކަށެވެ.
އެ ކުންފުންޏަށް މަސައްކަތް ހަވާލުކުރީ މި މަހުގެ ހަތްވަނަ ދުވަހުން ފެށިގެން އަންނަ އަހަރުގެ އޮކްޓޫބަރު މަހުގެ ހަވަނަ ދުވަހަށެވެ. މަސައްކަތުގެ އަގަކީ 466،482.24 ލާރި އެވެ.
ބުޅާ ފެސިލީޓީ އަޅަނީ 5،000 އަކަފޫޓުގެ ބިމެއްގަ އެވެ. މި ޕްރޮޖެކްޓް ހިންގަނީ އެނިމަލްވެލްފެއާ މިނިސްޓްރީ އަދި މާލެ ސިޓީ ކައުންސިލް ގުޅިގެންނެވެ.
ކޮމެންޓް
Republic of Maldives